О́ńirdiń óndiristik áleýeti zor

Premer-Mınıstrdiń birinshi orynbasary Asqar Mamın Qyzyljar óńirine jumys sapary kezinde birqatar jetekshi kásiporyndardy aralap, atqarylyp jatqan jumystarmen tanysty. Oblys ákimi Erik Sultanov aýyr mashına jasaý salasyn damytý boıynsha júzege asyrylyp jatqan aýqymdy jobalar men baǵdarlamalar jaıly habardar etti.  Úkimet basshysynyń birinshi orynbasary bas­taǵan delegasııa aldymen Petropavl halyqaralyq áýejaıyna at basyn tiredi. 2400 sharshy metr aýmaqqa ornalasqan áýejaı kúrdeli jóndeý­den ótken. Respýblıkalyq qazynadan bólingen 1,2 mıl­lıard teńgege ushý-qoný jolaqtary, termınal, per­ron qalpyna keltirilip, kúnine 200 jolaýshyǵa deıin qabyldaı alatyn múmkindikke ıe bolǵan. Qazir ushaqtar Astana, Almaty baǵyttary boıyn­sha qatynaıdy. Kelesi jyldan bastap alys-jaqyn shetelder úshin reıster ashylady. Premer-Mınıstrdiń birinshi orynbasarynyń taǵy bir aıaldaǵan jeri Petropavl aýyr mashına jasaý zaýyty boldy. Bir kezderi ekonomıkalyq qıyn­dyqtar saldarynan turalap qalǵan óndiris orny táýelsizdik jyldary damýdyń jańa satysyna kóterilip, ártaraptandyryldy. Jyl ótken saıyn qýat­tylyǵy artyp, munaı óńdeıtin salalar úshin qon­dyr­ǵylar, qosalqy bólshekter shyǵarady. AQ-tyń bas dırektory Qýanysh Bıshimov, sondaı-aq, ener­ge­tıkalyq, júk kótergish tehnıkalar, temir jol­dy jóndeý jáne qyzmet kórsetý salasyna jab­dyq­tar jasalatynyn málimdedi. 2007 jyldan bas­tap ın­dýstrııalyq-ınnovasııalyq damý baǵdar­la­­ma­syna turaqty túrde qatysyp, kóp beıindi ón­diris­tik jáne synaq bazasymen, zamanaýı óndiris qural-jabdyqtarmen, joǵary bilikti mamandarmen qam­ta­masyz etildi. Tehnıkalyq park mıllıard teńgege ja­ńar­tyldy. Qazir munda bir myńǵa jýyq adam eńbek etedi. A.Mamın mashına jasaý óndirisi el ekono­mı­kasynda sheshýshi býyn bolyp tabylatynyn, jýyrda ótken jalpyulttyq telekópirde Elbasy N.Nazarbaev tyń jobalardyń tusaýyn keskenin, otandyq ónimderdi qoldaý baǵyty birizdilendirilip, qoldaý kúsheıgenin, aldaǵy mindet básekege qabiletti sapaly taýarlar shyǵarý, naryq kózin keńeıtý bolyp tabylatynyn atap kórsetti. Aımaq basshysy E.Sultanov óńirdiń áleýmettik-ekonomıkalyq oń úderisin ındýstrııalyq-ınnovasııalyq damý jaıy aıqyndaıtynyn, mashına jasaý salasy úlken serpin alǵanyn, egemendik alǵan alǵashqy jyly óndiris kólemi 7 mıllıon teńgeni qurasa, búginde 167 mıllıard teńgege jetkenin alǵa tartty. Eki myńnan asa ónim túrleri paıda bolǵan. О́ńdeý ónerkásibimen shuǵyldanatyn 463 kásiporyn 6400 adamdy jumys­pen qamtyp otyr. О́nerkásip ónimdiliginiń besten biri osy salaǵa tıesili. Bıylǵy tapsyrys 35, 8 mıl­lıard teńge bolyp, ótken jylǵa qaraǵanda 51 pa­ıyz­ǵa artqan. Indýstrııalandyrý baǵdarlamasy sheń­berinde 41 mıllıard teńgeniń 54 jobasy iske qosy­lyp, 2 myń jańa jumys orny ashylǵan, 36 ón­diris orny boı kótergen. Úkimet basshysynyń birinshi orynbasary «Munaımash» AQ-ta óndiriske engizilgen ozyq tehno­lo­gııalarmen tanysyp, kásiporynnyń keleshegi zor ekenine kóz jetkizdi. Munaı-gaz salasyna qural-jabdyqtar shyǵaratyn zaýyttyń ónimderi ha­lyqaralyq talaptarǵa tolyq saı. Bıyl 1,8 mıl­lıard teńgeniń tapsyrystary merziminen buryn oryn­da­lyp, qosymsha tapsyrystar alynǵan. Kásiporyn bas­shysy Spartak Pýshkarev memleket tarapynan kór­setilip jatqan qoldaýlarǵa rızashylyǵyn bildirdi. A.Mamın aýyr mashına jasaý salasy ókilderiniń nazaryn suranysqa, zaman aǵymyna laıyqtalǵan jáne de eń bastysy, básekege shydamdy, baǵasy qol­jetimdi qazaqstandyq mazmun úlesin arttyrý qajet­tigine aýdardy. Prezıdent belgilep bergen «Nurly jol», basqa da qýatty baǵdarlamalar daǵdarysty eńserýdiń ilkimdi jobalary ekenin jaqsy bilesizder. Onyń ıgilikterin taý-ken, óńdeý kásiporyndary da jaqsy sezinip otyr. Eksporttyq jańa ónimder men taýarlardy molaıtý óte mańyzdy. Máselelerdi keshendi túrde sheshkende ǵana mindetter múltiksiz oryndalady. О́ńirdiń óndiristik áleýeti zor, dedi ol. Premer-Mınıstrdiń birinshi orynbasary bastaǵan delegasııa Beskól kentinde jumys isteıtin «Radýga» JShS-inde bolyp, paıdalanýǵa berilgen jańa jobanyń nátıjesin oń baǵalady. О́mir ESQALI, «Egemen Qazaqstan» Soltústik Qazaqstan oblysy