Taıaýda Ońtústik Qazaqstan oblysyna Túrkııa Respýblıkasynyń «TRT AVAZ» halyqaralyq telearnasynyń túsirý toby arnaıy jumys saparymen kelip, óńirde júzege asyrylyp jatqan memlekettik baǵdarlamalardyń oryndalý barysy, jalpy aımaqtyń damý kórsetkishteri men Túrkistan týraly fılm túsirdi, dep habarlaıdy OQO ákiminiń baspasóz qyzmeti.
Ońtústik Qazaqstan oblysy týraly arnaıy baǵdarlama ázirlep júrgen shyǵarmashylyq top óńirimizdiń ekonomıkalyq damý, ındýstrııa jáne týrızm salalary boıynsha úsh baǵyttaǵy jumystarynyń jaıyn jer-jahanǵa kórsetpek.
О́ńirimizge jasaǵan saparynda «TRT AVAZ» telearnasynyń shyǵarmashylyq ujymy oblys ákimi Janseıit Túımebaevtan suhbat aldy. Onda ákim ólkemizdi damytýdaǵy bolashaq josparlarymen bólisip, 300 mıllıon kórermeni bar telearna arqyly túrki baýyrlas elderdi Qazaqstannyń onyń ishinde qonaqjaı Ońtústiktiń týrısttik mekenderin tamashalaýǵa shaqyrdy.
«TRT AVAZ» halyqaralyq televızııasy Túrkııa Respýblıkasynyń 7 tilde, sonyń biri qazaq tilinde habar taratatyn eń iri telearnasy bolyp tabylady. Eýropa men Orta Azııa aýmaǵyna taraıtyn, ıaǵnı olar baýyrlas memleketter - Ázirbaıjan, Qazaqstan, О́zbekstan jáne Qyrǵyzstan syndy segiz elge habar taratady. Onda atalǵan respýblıkalardyń ulttyq dástúrleri men óneri, derekti fılmderi men mýzykalyq baǵdarlamalary kórermen nazaryna usynylady.
Halyqaralyq túrik telearnasymen Qazaqstan tarapy 2012 jyldan beri tyǵyz jumys istep keledi. Atalǵan telearnadaǵy jańalyqtar sıklynyń úzdiksiz júrýine elimizdegi «Qazaqstan» ulttyq arnasynyń ujymy udaıy kómektesip keledi.