Nemistiń ADAC avtomobıl klýby Eýropadaǵy ekologııalyq eń taza ári únemdi kólikterdiń tizimin daıyndady, dep habarlady korrespondent.net.
Bul joly ekologııalyq turǵyda eń taza elektrlik avtokóligi retinde BMW i3 tanyldy. Bıyl alǵash ret laboratorııada da, jol boıynda da arnaıy synaqtardan ótkizildi. Jalpy alǵanda, sarapshylar 45 úlgidegi kólikterdi synaqtan ótkizip, árqaısysyna 1-5 aralyǵynda juldyz belgimen baǵalandy.
Ekinshi orynǵa Toyota Prius 1.8 Hybrid Executive avtomobıli jaıǵassa, úzdik úshtikti elektr motorly Nissan Leaf Acenta túıindedi. Sondaı-aq, kópshiliktiń kóńilinen shyqqan Tesla Model S P90D tek altynshy orynnan tabyldy.
Ondyqtyń ishinde dızeldi qozǵaltqyshpen júretin Mercedes E220 d 9G-TRONIC (7 oryn) jáne BMW 118d Urban Line Steptronic (9 oryn) bar. 8-orynǵa Mitsubishi Space Star 1.2 ClearTec Top laıyq dep tanylsa, onynshy orynda – Volkswagen up! 1.0 TSI BMT beats.