Shymkent qalasynda 297 jumysshyǵa arnalyp, jataqhana salynýda, dep habarlaıdy qala ákimdiginiń baspasóz qyzmeti.
Bıyl elimizde «Nurly jol» baǵdarlamasy boıynsha 400 myń sharshy metr turǵynúı paıdalanýǵa beriledi. Bul 65 myńǵa jýyq otbasy baspanamen qamtylady degen sóz. Odan bólek, jaldamaly páterler men jataqhanalar salý da josparlanǵan. Osy joba aıasynda Shymkentte 297 jumysshyǵa arnalyp, jataqhana salynyp jatyr. «Nurly jol» baǵdarlamasy arqyly qarjylandyrylǵan qurylystyń qazir biraz jumysy bitti. Búginde úıdiń tek jıhazdaryn ornatyp, tazalaý jumystary júrgizilýde. Jańa ákimshilik iskerlik ortalyǵynan boı tiktegen nysanda turǵyndar úshin qajetti jaǵdaıdyń bári jasalǵan. Jataqhana Shymkenttegi 500 adamnan kem emes jumysshysy bar óndiris oryndaryna beriledi. Basty talap – qyzmetkerlerdiń qalada baspanasy bolmaýy shart. Osyny rastaǵan jaǵdaıda arnaıy komıssııanyń sheshimi negizinde jatyn orynǵa qol jetkizedi. Jataqhana – aqysyz. Tek turǵyndar kommýnaldyq shyǵyndardy tóleıdi.