28 qańtar kúni almatylyq «Qaırat» pen qostanaılyq «Tobyl» komandalary sýperkýbok jeńimpazyn anyqtaıdy. Match elordadaǵy Astana Arena alańynda 17:00-de bastalady, dep jazady Egemen.kz.
Bul kezdesý elimizdegi jańa fýtbol maýsymynyń alǵashqy oıyny bolmaq.
О́tken Premer-lıga maýsymynda «Qaırat» ekinshi jyl qatarynan chempıon atanyp, osy ataqqa úmitti «Astana» fýtbol klýbynan basym tústi. Al «Tobyl» óz kezeginde úzdik úshtikke enip, Qazaqstan Kýbogin jeńip aldy. Fınalda olar shymkenttik «Ordabasyny» 2:0 esebimen utqan.
«Ordabasy» fýtbol klýby jekemenshikke satyldy
Eki komanda da Sýperkýbok básekesinde mol tájirıbege ıe. Almatylyq klýb halyqaralyq arenada da sátti óner kórsetip, ÝEFA Chempıondar lıgasy aıasyndaǵy Mılan men Londondaǵy kezdesýlerde tájirıbe jınaqtady.
Chempıondar lıgasy: «Qaırat» bıylǵy maýsymda qansha tabys tapty?
Maýsymaralyq kezeńde «sary-qaralar» Fınlıandııa, Argentına, Portýgalııa jáne Brazılııadan legıonerler shaqyryp, quramyn kúsheıtti. Komanda áli de maýsymnyń basty favorıtteriniń biri sanalady.
«Tobyl» da transferlik naryqta aýqymdy jumys júrgizdi. Qostanaılyq klýbtyń quramy eldegi baǵasy jaǵynan ekinshi orynda dep esepteledi.
Chempıondar lıgasynda gol soqqan «Qaırat» oıynshysy «Aqtóbege» aýysady