Elimizdiń óner juldyzdary Konstıtýsııalyq reformalardy qoldap, halyqty jańa Ata zań jobasyna daýys berýge shaqyrdy. Olar 15 naýryzda ótetin respýblıkalyq referendýmda Otanymyzdyń keleshek taǵdyryna qatysty mańyzdy sheshim qabyldanatynyn jetkizdi, dep habarlaıdy Egemen.kz.
Aktrısa, Qazaqstannyń Halyq artısi Gúljan Aspetova árbir azamatymyzdyń belsendi ustanymy – Ádiletti Qazaqstandy qurý jolyndaǵy jaýapkershilik ekenin aıtty.
«Konstıtýsııanyń jańarýy – elimizdiń damýyndaǵy mańyzdy ári ýaqyt talabyna saı qabyldanyp otyrǵan sheshim. Bul bastama memlekettik basqarý tetikterin jetildirýge, zań ústemdigin nyǵaıtýǵa jáne azamattardyń quqyqtary men bostandyqtaryn qorǵaýdy kúsheıtýge baǵyttalǵan. Usynylyp otyrǵan ózgerister qoǵam men memleket arasyndaǵy senimdi arttyryp, eldiń turaqty ári uzaq merzimdi damýyna berik negiz qalaıdy dep senemin. Árbirimizdiń belsendi ustanymymyz – Ádiletti Qazaqstan qurý jolyndaǵy ortaq jaýapkershiligimiz. Bolashaǵymyz úshin, birligimiz ben turaqtylyǵymyz úshin men jańa Konstıtýsııany qoldaımyn! О́z tańdaýymdy jasadym!», dep jazdy ol áleýmettik jelide.
Konstıtýsııa jobasynyń negizgi erejelerinen habardar etti
Sondaı-aq tanymal ánshi Marjan Arapbaeva da jańa Konstıtýsııa – jańarǵan Qazaqstannyń bet-beınesi ekenin jetkizdi.
«Qurmetti aǵaıyn! Biz tarıhı kezeńde ómir súrip jatyrmyz. Búgingi tań – erteńgi taǵdyrdyń bastaý núktesi. Jańa Konstıtýsııa – jaı ǵana qujat emes. Bul – halyqtyń senimi. Bul – ádiletke umtylys. Bul – jańarǵan Qazaqstannyń bet-beınesi», dep oı bólisti ol.
Aıta keteıik, jańa Ata zań jobasyna daýys berýge arnalǵan respýblıkalyq referendýmǵa az ýaqyt qaldy. Búginde túrli salanyń elimizge tanymal ókilderi áleýmettik jelide saıası naýqannyń mańyzy jaıynda pikir bildirip jatyr.
Jalpyulttyq koalısııa músheleri Aqtóbe JEO ujymymen Konstıtýsııa jobasyn talqylady
Elordada Konstıtýsııalyq reformaǵa arnalǵan halyqaralyq konferensııa ótti