Orta salmaqta álemniń burynǵy chempıony meksıkalyq kishi Hýlıo Sezar Chaves (50-2-1, 32 KO) WBA (Super), IBO, WBC IBF tıtýldarynyń ıegeri Gennadıı Golovkınmen judyryqtasqysy keletinin aıtty, dep habarlady vesti.kz.
«Menińshe, «Kanelomen» aradaǵy kezdesýi álem kóz tigetin jek-jekterdiń biri bolmaq ári budan kóp aqsha da tabýǵa bolady. GGG kóbisin nokaýtpen jeńgen, biraq aralarynda esimi álemge áıgili sportshylar bolǵan emes. Al men tek aqsha úshin ǵana aıqaspaımyn», – dedi ol.
«Kanelo» men Golovkın álemge belgili boksshylardyń biri. Eger kelissózderge daıyn bolsa, men de qýana-qýana keliser edim», – dedi kishi Chaves.
Aıta keteıik, birer kún buryn meksıkalyq boksshy 2015 jyldan beri alǵash ret rıngke shyǵyp, germanııalyq Domınık Brıchti upaı boıynsha jeńgen. Ol jekpe-jekten keıin kimmen bolsa da urysqa daıyn ekendigin málimdedi. Ol sondaı-aq, óziniń Golovkınniń soqqylaryna shydas beretin ǵana emes tipti, nokaýtqa jiberetin birden-bir adam ekenin alǵa tartty. Al qazaqstandyqtyń jattyqtyrýshysy Abel Sanches bul usynysqa daıyn ekendikterin habarlady.