Pákistan bıligi Aýǵanstandaǵy Talıban úkimetine resmı túrde «ashyq soǵys» jarııalap, Kabýl, Kandagar jáne Paktııa provınsııalaryndaǵy nysandarǵa áýeden joıqyn soqqy berdi, dep habarlaıdy Egemen.kz.
Geo telearnasynyń habarlaýynsha, Pákistan áskerı-áýe kúshteri Aýǵanstannyń Nangarhar provınsııasyndaǵy nysandarǵa soqqy jasaǵan. Aldyn ala málimet boıynsha, iri oq-dári qoımasy joıylǵan.
Keıin RIA Novostı agenttigi Pákistan tarapy Kabýl qalasyna, sondaı-aq Kandagar jáne Paktııa provınsııalaryna da áýe soqqylaryn jasaǵanyn habarlady.
Pákistannyń qorǵanys mınıstri Havadja Asıf aýǵandyq «Talıban» qozǵalysyn terrorızmdi Aýǵanstan aýmaǵynan syrtqa eksporttady dep aıyptap, ashyq soǵys bastalǵanyn málimdedi. Dawn gazetiniń jazýynsha, mınıstr Aýǵanstandy «Úndistannyń yqpalyndaǵy aımaqqa aınaldy» dep atap, «sabyrdyń shegi taýsyldy» degen.
Buǵan deıin Pákistan men Aýǵanstan shekarasynda qarýly qaqtyǵystar bolǵan edi. Nangarhar provınsııasynyń Nazıan aýdanynda eki eldiń shekarashylary arasynda atys bolyp, keıin jaǵdaı turaqtanǵany habarlanǵan.
«Talıban» úkimetiniń ókili Pákistannyń Aýǵanstannyń shyǵys aımaqtaryna jasaǵan áýe soqqylary saldarynan 46 adam qaza tapqanyn málimdegen. Onyń aıtýynsha, qaza bolǵandardyń basym bóligi – áıelder men balalar. Sondaı-aq alty adamnyń jaralanǵany habarlandy.
О́z kezeginde Aýǵanstan qarýly kúshteri bombalaý áreketterine jaýap retinde Dıýrand syzyǵy boıyndaǵy pákistandyq kúshterdiń nysandary men tirek pýnktterine qarsy aýqymdy áskerı operasııa bastaǵanyn málimdedi. Aımaqtaǵy ahýal shıelenisip, taraptar arasyndaǵy qaqtyǵys jańa kezeńge ótken.
Pákistan astanasyndaǵy meshitte jarylys bolyp, 31 adam qaza tapty