Jolaýshylar poıyzǵa jıi úlgermeı jatady. Osyǵan baılanysty «Jolaýshylar tasymaly» AQ poıyzdan qalyp qoıǵan jaǵdaıda qandaı áreket jasaý kerek ekenin túsindirdi, dep jazady Egemen.kz.
Mundaı jaǵdaıda eń aldymen, vokzaldaǵy bılet kassasyna júginip, týyndaǵan jaǵdaı týraly kassırge habarlaý qajet.Eger jolaýshy poıyzǵa úlgermese, bılet qunynyń bir bóligin qaıtaryp alý múmkindigi qarastyrylǵan. Bul úshin ótinishti bılette kórsetilgen stansııadan poıyz jónelgennen keıin bir saǵattan keshiktirmeı rásimdeý qajet.
Ramazan aıynda poıyzdarda alkogol ónimderi satylmaıdy
Qaıtarý rásimin júrgizý úshin jolaýshy jeke kýáligi men bıletin usynýy tıis. Kassır qajetti qujattardy rásimdep, bos oryn bolǵan jaǵdaıda kelesi poıyzǵa otyrýdyń balama nusqalaryn usyna alady. Bılet qunyn qaıtarý kólemi men merzimi jolaýshylardy, júk pen bagajdy, sondaı-aq poshta jóneltilimderin temirjol kóligimen tasymaldaý qaǵıdalaryna sáıkes aıqyndalady.
8 naýryz merekesine oraı poıyzdarǵa qosymsha vagondar qosyldy
Mundaı jaǵdaılarda jolaýshylar qosymsha aqparat alý úshin 1433 nómiri boıynsha habarlasyp, sondaı-aq vokzaldyń anyqtama qyzmetine júgine alady.
Endi Shý men Otar arasynda elektrpoıyzy qatynaıdy
«Jolaýshylar tasymaly» AQ keleńsiz jaǵdaıdy boldyrmaý úshin jolaýshylarǵa vokzalǵa erterek kelýdi usynady.