"Nurly jer" baǵdarlamasy turǵyn úı qurylysyn damytýǵa mańyzdy serpin beredi. Bul týraly búgin Úkimet otyrysynda QR Premer-mınıstriniń birinshi orynbasary A.Mamın atap ótti.
«Atalǵan baǵdarlama turǵyn úı qurylysyn damytýǵa, otandyq kásiporyndardyń qurylys qýatyn paıdalanýǵa mańyzdy serpin beredi jáne jergilikti mazmun úlesin 90%-dan arttyrýǵa deıin múmkindik beredi. Sonymen qatar, baǵdarlamada usynylǵan quraldar búginde joq ekenin aıta ketý kerek. Bul quraldardy engizý kóppáterli baspana men jeke turǵyn úı qurylysyn damytýǵa mańyzdy serpin beredi. Barlyq tetikteri óńirlermen talqylandy, barlyq eskertýler baǵdarlamanyń sońǵy redaksııasynda kórinis tabatyn bolady. Biz onyń qurylysta jáne qalalarymyzdyń zamanaýı kelbetin qalyptastyrýda óte mańyzdy bolady dep sanaımyz», - dedi A.Mamın.
Arnur ASQAR, "Egemen Qazaqstan".