Qazaqstan qor bırjasynda shetel valıýtalaryna qatysty tańǵy saýda sessııasy aıaqtaldy. Nátıjesinde 12 jeltoqsandaǵy dollardyń ortasha baǵamy 331,56 teńgeni qurady, dep habarlaıdy Qazaqstandyq qor bırjasynyń (KASE) resmı saıty.
KASE aqparatyna sáıkes, AQSh dollaryna qatysty saýdanyń tómengi kýrsy 332 teńgeni qurady. Joǵarǵy kýrs – 336,75 teńge, saýdanyń aıaqtalýy kezinde 331,01 teńge boldy. Tańǵy sessııada saýda kólemi 112 mln 900 dollar boldy. Valıýta operasııasyna baılanysty kelisim sany — 217.
Aqsha aıyrbastaý oryndarynda 12 jeltoqsandaǵy dollardyń joǵary kýrsy (Almaty ýaqytymen – 11:00) Almatyda 335 teńgeni quraǵan.
Aıta keteıik, 2016 jyldyń 5 qańtarynan bastap shetel valıýtalaryna qatysty teńge kýrsyn belgileý týraly erejege ózgerister men tolyqtyrýlar engizildi. Endi dollarǵa qatysty teńgeniń ortasha resmı baǵamy Qazaqstan qor bırjasyndaǵy tańǵy jáne kúndizgi sessııa qorytyndysy boıynsha belgilenedi.