2016 jyl arhıtektýra tarıhynda da este qalatyn jaǵdaılarǵa toly boldy. Solardyń dáleli retinde CNN tómendegi toptamany halyq nazaryna usyndy.
Bıyl qańtar aıynda Chılı eliniń arhıtektory Alehandro Aravena qymbat emes áleýmettik turǵyn úılerdiń jobasy úshin Prıtsker syılyǵyn ıelendi.
Nıýı-Iorktegi 432 Park Avenue 2015 jyldyń jeltoqsanynda salynyp bitkeni belgili. Ol bıyl álemdegi eń bıik turǵyn úı atandy. Onyń bıiktigi - 425,3 metr.
Aqpan aıynda Kohn Pedersen Fox Associates pen E. Roberson Associates "Tokıo 2045" damý baǵdarlamasy aıasynda salynatyn 1600 metr bıiktikti qamtıtyn ǵımarattyń jobasyn tanystyrdy.
Londondaǵy "júzetin" úıler. Mamandardyń aıtýynsha, olardyń baǵasy 2012 jyldan bastap 57 paıyzǵa ósken. Turǵyn úı qymbat sanalatyn London turǵyndary úshin qoljetimdi bolyp otyr.
Bıiktigi 200 metrden asatyn Úndistandaǵy jańa ǵıbadathananyń qurylysy 2017 jyldyń naýryz aıynda bitedi dep josparlanyp otyr. Ol ormanmen qorshalǵan mádenı ortalyq pen taqyryptyq parkti de qamtyǵan.
Dýbaıdaǵy "Eýropa júregi" aralynda sý ústine salynǵan úıler de bıylǵy jyldyń basty arhıtektýralyq jańalyǵy boldy.
Snehet fırmasy ǵımaratynyń jańa arhıtektýrasy qaıtalanbas úlgi retinde tanyldy.
Tamyz aıynda paıdalanýǵa berilgen Bangkoktiń The MahaNakhon Taılandtaǵy eń bıik ǵımarat atandy. Onyń bıiktigi - 314 metr.
Vo-Chong Ngıa atty arhıtektor óz jobalarynyń shatyrynda mindetti túrde fermalar uıymdastyryp, aǵash otyrǵyzady. Bul da bıylǵy jyldyń arhıtektýrasyna erekshe lep berdi.