Búgingi kúni ıpotekalyq qaryzdyń úlesi bar bolǵany 8 paıyzdy quraıdy. Onyń úlken bóligi «Turǵyn úı qurylys jınaq bankine» tıesili. Ipotekany 1-2 deńgeıdegi bank qana beredi. Al «Nurly jer» baǵdarlamasynda bankterdi yntalandyratyn tetikter alynyp tastalǵan. Bul týraly búgin Úkimet otyrysynda turǵyn úı qurylysy biryńǵaı baǵdarlamasy tujyrymdamasyn talqylaý barysynda Qazaqstan qurylysshylar qaýymdastyǵynyń tóraǵasy Aıdyn Raqymbaev aıtty.
«Bul jerde Reseıdiń oń tájirıbesin mysalǵa keltirýge bolady. Kórshi elde ıpotekalyq kredıt úlesi aıtarlyqtaı joǵary, al ıpotekany ótemeý mólsheri 5 paıyzdan tómen. Baǵdarlamanyń aldyńǵy redaksııasynda Biryńǵaı jınaqtaýshy zeınetaqy qoryndaǵy qarajat esebinen bankterdi qorlandyrý tetikteri qarastyrylǵan bolatyn. Biraq bul tetikter Ulttyq banktiń eskertýlerinen keıin alynyp tastaldy. О́kinishke qaraı, qazirgi ýaqytta bankter jaı da ıpoteka berýge múddeli emes», - deıdi A.Raqymbaev.
Onyń aıtýynsha, bankterdiń uzaq merzimge beriletin arzan aqshasy bolmaǵandyqtan, baǵdarlamada usynylyp otyrǵan sharalardy jappaı qoldanysqa engizý múmkin bolmaıdy.
Al baǵdarlama tujyrymdamasynda 2017 jyldan bastap halyqqa 17 paıyzben beriletin ekinshi deńgeıdegi bankterdiń ıpotekasyn sýbsıdııalaý josparlanyp otyr. Nátıjesinde qaryz alýshy úshin syıaqy mólsherlemesi 10 paıyzdy quraıtyn bolady.
Dınara BITIKOVA, "Egemen Qazaqstan".