«NOMAD» saqtandyrý kompanııasynyń sarapshylary 2016 jyly qazaqstandyqtar jıi saıahattaǵan shet eldiń tizimin jasady, dep habarlaıdy QazAqparat. Ony anyqtaý úshin atalǵan kompanııa 24 myńnan astam polısterdi saraptap shyqqan. Nátıjesinde, qazaqstandyqtar saıahattaǵan tanymal shet elderdiń reıtingi daıyndalǵan.
Reıtıngte Shengen aımaǵy elderi (Germanııa, Ispanııa, Italııa, Gresııa) kósh bastap tur. Qazaqstandyq týrısterge 2016 jyldyń basynan berilgen barlyq medısınalyq polıstiń 32 paıyzy osy elderge shyǵatyndarǵa resimdelgen.
Balalarymen demalys ótkizý máselesinde qazaqstandyqtar negizinen 2016 jyly Túrkııany tańdaǵany belgili boldy. Kompanııa resimdegen polıster boıynsha saraptaıtyn bolsaq, Túrkııaǵa berilgen polıster paıyzdyq kórsetkishpen eseptegende 19 paıyzdy quraǵan.
Túrkııadan keıin reıtıngte úshinshi oryndy Birikke Arab Ámirlikteri alǵan. Ol elge barýshylarǵa 17 paıyz medısınalyq saqtandyrý polısteri resimdelgen.
Qazaqstandyqtar saıahattaǵandy unatatyn tórtinshi el Taıland koroldigi. Bul elge saıahattaýshy qazaqstandyqtarǵa 8,1 paıyz saqtandyrý polısi resimdelgen. Kelesi orynda Reseı men Grýzııa. Atalǵan elderge barlyǵy 2 paıyz polıs resimdelgen.
«Jalpy, jahandaǵy ahýal, halyqtyń tabys kóziniń azaıýy, shet elge demalýshylardyń sanyn kemitip otyr. 2015 jyly jaz maýsymynda barýǵa yńǵaıly bolǵan elderge 2016 jyly barýshylar kóp bolmady. Resmı statıstıka boıynsha, 2016 jyldyń alǵashqy jarty jyldyǵynda shetelge Qazaqstannan 4,5 mln týrıst shyqqan. Bul 2015 jyldyń sáıkes kezeńi, alǵashqy jarty jyldyǵymen salystyrǵanda 18 paıyzǵa tómen. 2015 jyly ol kezeńde Qazaqstannan 5,5 mln týrıst shetelge baryp demalǵan», - delingen saqtandyrý kompanııasynyń habarlamasynda.