Jeltoqsannyń 13-14 kúnderi AQSh Federaldy qory dollardyń paıyzdyq ústemesin kóterýi yqtımal, dep habarlaıdy investing basylymy.
Tipti, sarapshylar osy joly Federaldy qor ústemeni kóteretinine 100 paıyz senimdi. О́ıtkeni, qazan aıyndaǵy otyrysta kóteriledi degen paıyzdyq ústeme ol joly saılaý naýqany bolǵandyqtan ózgerissiz qalǵan edi.
Federaldy qordyń mundaı qadamǵa barýy birinshi kezekte 2017 jyldyń boljamdy ınflıasııasynyń tym joǵarylyǵynan bolsa kerek.
Eger Federaldy qor paıyzdyq ústemeni kóteretin bolsa, dollardyń quny artyp, teńgeniń dollarǵa shaqqandaǵy baǵamy kóteriledi.
Aıta keteıik, bir jarym aı burynǵy jıynda AQSh Federaldy qory sol joly paıyzdyq ústemeni 0,25-0,5 paıyzdan kóteredi dep kútilgen edi. Biraq sol joly bul kórsetkish ózgerissiz qalyp, saılaýdan keıin kóterilip qalýy múmkin ekeni aıtylǵan. Osy joly, sarapshylardyń pikirinshe, negizgi paıyzdyq ústeme kóterilýi ǵajap emes.