Úkimet otyrysynda Premer-Mınıstr Baqytjan Saǵyntaev: «Baǵanyń kóterilýine qatysty máseleni biz qyrkúıek aıynda talqyladyq, búgingi baıandamalardan kórip otyrǵanymyzdaı, belgili bir jumystar atqarylǵan. Asqar Isabekuly (QR Premer-Mınıstriniń orynbasary - aýyl sharýashylyǵy mınıstri Asqar Myrzahmetov – red), naryqqa qatysýshylardyń pikirlerin eskerip, usynylǵan tásilderdi taǵy bir qarastyryp, sáıkes sheshimder túrinde resimdeýge bolady. Bul jerde Úkimet naryqtyq tetikterdi jaýyp tastaıdy degen sóz emes. Alaıda joǵary baǵanyń bolýyna jaǵdaılar týsa, biz qolymyzda bar monopolııaǵa qarsy zańnama aıasyndaǵy quraldardy eskerýmen, onyń jolyn kesýimiz kerek», – dedi.
Sonymen qatar, Úkimet basshysy: «Eshkim naryqtyq jaǵdaıda jumys istemeýi kerek, tabys tappaýy kerek dep otyrǵanymyz joq. Biz tek monopolııalyq joǵary baǵa belgileý jaǵdaılary bolsa, antımonopolııalyq zańnama aıasynda tetikterdi qoldana otyryp, olardyń jolyn kesý kerek deımiz», – dedi.
Sondaı-aq, memleket shyǵyndardy tómendetý sharalaryn qarastyrý qajet dep sanaıtyndyǵyn, bul rette naryqqa qatysýshylar da óz shyǵystaryn tómendetýi tıistigin atap ótti.
«Olar kólik, saqtaý jáne elektr energııasy sııaqty shyǵyndar. Iаǵnı, keshendi sheshimder qabyldaıtyn sátter óte kóp. Bul ákimder jaýapkershiliginiń aýmaǵy. Barlyq qajetti zańnamalyq ózgertýlerdi júrgizip, jaýapkershilikti tolyǵymen jergilikti atqarýshy organdarǵa berý qajet», – dep atap ótti Premer-Mınıstr.
Dınara Bitikova, «Egemen Qazaqstan».