2011 jylǵy 27 tamyzda Astana qalasyndaǵy «Qazaqstan» sport saraıynda shaıbaly hokkeıden erler komandalary arasynda Qazaqstan Respýblıkasy Kýbogynyń aqtyq machty ótti. Birinshi orynǵa «Saryarqa» (Qaraǵandy qalasy) jáne «Arystan» (Temirtaý qalasy) hokkeı komandalary talasty.
Match aıaqtalǵan soń kýbok oıynynyń saltanatty jabylý rásimi ótkizildi, onyń qorytyndysy boıynsha jeńimpazdar, sondaı-aq hokkeı klýbtarynyń eń úzdik oıynshylary marapattaldy. Marapattaý rásimine «Nur Otan» HDP Tóraǵasynyń birinshi orynbasary Nurlan Nyǵmatýlın jáne shaıbaly hokkeıden Qazaqstan federasııasynyń prezıdenti Asqar Mamın qatysty. «Nur Otan» halyqtyq-demokratııalyq partııasynyń arnaıy júldesi týrnırdiń eń úzdik oıynshylaryna tabys etildi. Kýbokty fınaldyq kezdesýde «Saryarqany» utqan «Arystan» hokkeı klýby jeńip aldy.
Kýbokty ótkizýdiń negizgi maqsattary – Qazaqstanda hokkeıdi odan ári damytý, halyqaralyq jarystarda jáne týrnırlerde otandyq klýbtardy jáne qurama komandalardy oıdaǵydaı oıyn kórsetýge daıyndaý, sondaı-aq hokkeı jankúıerleriniń bos ýaqytyn uıymdastyrý men halyq arasynda, ásirese, balalar, jasóspirimder jáne jastar arasynda qazaqstandyq sportty nasıhattaý.
Kýboktyń Qazaqstan Táýelsizdiginiń 20 jyldyǵynyń aıasynda ótýi oǵan erekshe maǵyna berdi. Táýelsizdikke qol jetkizgennen beri Qazaqstanda sporttyń damýy jańa serpinge ıe boldy. Memleket basshysy, «Nur Otan» partııasynyń Kóshbasshysy N.Á.Nazarbaevtyń bastamasy men erekshe nazarynyń arqasynda qazaqstandyq sport, atap aıtqanda, hokkeı joǵary deńgeıge kóterilý múmkindigine qol jetkizdi.
Kýbok oıyndaryna elimizdiń Temirtaý, Almaty, Kókshetaý, Astana, Atyraý, Rýdnyı, Pavlodar, О́skemen, Qaraǵandy sııaqty qalalarynan 10 kásipqoı hokkeı klýbtary qatysty. Atalǵan is-sharany «Nur Otan» HDP shaıbaly hokkeı boıynsha Qazaqstan federasııasymen birlese uıymdastyrdy. Jalpy, «Nur Otan» partııasy ulttyq jáne halyqaralyq aýqymdaǵy iri sporttyq oqıǵalardy turaqty uıymdastyrýshylardyń biri bolyp tabylady jáne búginde Qazaqstanda buqaralyq sportty damytýǵa yqpaly zor bolyp otyr.