Ulttyq statıstıka bıýrosynyń málimetinshe, 2026 jyly 170 myńnan astam adam jumys ornyn ózgertýdi kózdeıdi. Negizgi sebep – jalaqynyń tómendigi, dep habarlaıdy Egemen.kz.
Saýalnamaǵa qatysqandardyń 72,5 myńy (ıaǵnı 41%) tabystyń azdyǵyn basty faktor retinde ataǵan. Salystyrmaly túrde alǵanda, eńbek jaǵdaıynyń qolaısyzdyǵyna baılanysty jumystan ketkisi keletinder 11% ǵana. Bul kópshilik úshin jumystyń qıyndyǵynan góri tabys kólemi mańyzdy ekenin kórsetedi.
Sonymen qatar respondentterdiń 26%-y (shamamen 46 myń adam) óz mamandyǵy boıynsha jumys istegisi keletinin aıtqan. Kópshiligi qazirgi tańda alǵan bilimine sáıkes kelmeıtin salada eńbek etip júrgenin moıyndaıdy.
Astanada bos jumys oryndaryn qalaı tabýǵa bolady?
Jumysyn aýystyrýdy josparlaǵandardyń basym bóligi – qala turǵyndary. Qalalarda mundaı nıeti barlar sany 123,5 myń adamdy quraıdy. Al aýyldyq jerlerde bul kórsetkish shamamen eki ese az, bul óńirlerde balama jumys oryndarynyń tapshylyǵyn ańǵartýy múmkin.
Ádil eńbek, qaýipsiz jumys, laıyqty jalaqy: Maksım Rojın jańa Konstıtýsııanyń mańyzdy tusyn atady