Gvardeısk garnızonynda ornalasqan áskerı bólimderdiń birinde áskerı qyzmetshi Erbol Qaparǵa kúsh qoldanylyp, sarbaz jaq súıeginen jaraqat alǵan. Qorǵanys mınıstrliginiń baspasóz qyzmeti sarbazdyń Almaty qalasyndaǵy Áskerı-klınıkalyq gospıtalinde ońaltý kýrsynan ótip jatqanyn málimdedi, dep jazady Egemen.kz.
Mınıstrlik málimetinshe, merzimdi áskerı qyzmetshiler arasynda janjal bolyp, saldarynan sarbaz Erbol Qapardyń jaǵy synǵan. Búginde zardap shekken sarbaz aýrýhanaǵa jatqyzylyp, oǵan qajetti medısınalyq kómek kórsetilip jatyr. Jaýyngerdiń densaýlyq jaǵdaıyn áskerı dárigerler baqylap otyr.
Áskerı-klınıkalyq gospıtaldiń jaqsúıek-bet hırýrgııasy bólimshesiniń bastyǵy, medısına qyzmetiniń podpolkovnıgi Vladıslav Mýsatov jaýyngerdiń jaǵdaıy jaqsarǵanyn jetkizdi.
«Gospıtalge jetkizilgen sátte onyń jaǵdaıy salystyrmaly túrde qanaǵattanarlyq dep baǵalandy. Sarbaz tııanaqty emdeý kýrsynan ótip jatyr. Qazir hali jaqsarǵany baıqalady. Psıhologııalyq jaǵdaıy da turaqty, shaınaý jáne aýyz ashý fýnksııalary da jaqsaryp keledi. Jaqynda bekitýshi shınalary alynady. Áskerı qyzmetshi fızıoterapııa, dárýmendik terapııa, jalpy nyǵaıtýshy em jáne emdik dene shynyqtyrý sabaqtarynan ótip jatyr. Aldaǵy ýaqytta gıperbarııalyq oksıgenasııa seanstary josparlanǵan. Ońaltý kezeńi aıaqtalǵan soń, áskerı-dárigerlik komıssııadan ótedi», dedi Vladıslav Mýsatov.
Aqtaýda merzimdi áskerı qyzmetshi qaza tapty
Dárigerdiń aıtýynsha, sarbaz bir aı ishinde aýrýhanadan shyǵarylady. Tolyq saýyǵýy úshin oǵan syrqatyna baılanysty demalys beriledi. Jazylǵan soń óz áskerı bóliminde qyzmetin jalǵastyrady.
27 qańtar kúni atalǵan derek boıynsha Gvardeısk garnızonynyń áskerı polısııasy tarapynan qylmystyq is qozǵalǵan.
«Materıaldar Sotqa deıingi tergep-tekserýdiń biryńǵaı tizilimine engizildi. Barlyq qatysy bar adamdardyń, oǵan qosa oqıǵanyń jaı-japsaryn joǵary qolbasshylyqqa ýaqtyly baıandamaǵan jáne medısınalyq kómekti uıymdastyrýda olqylyq jibergen áskerı bólimniń laýazymdy adamdarynyń áreketterine jan-jaqty quqyqtyq baǵa beriledi. Tergeý sharalary kezeńinde birqatar laýazymdy adamdar qyzmettik mindetterin atqarýdan shettetildi. Tergeý qorytyndysy boıynsha kináliler zańǵa sáıkes jaýapkershilikke tartylady», delingen mınıstrlik málimdemesinde.
Sarbazdardyń ólimi: Laýazymdy tulǵalar qyzmetinen bosatyldy
Sondaı-aq oqıǵanyń tergelý barysy Qarýly kúshter basshylyǵynyń jiti baqylaýyna alynǵan. Vedomstvo tergeý múddesine baılanysty ózge aqparat jarııalanbaıtynyn habarlap otyr.