Aqtóbede alǵashqy ret Qazaqstan Respýblıkasy Táýelsizdiginiń 20 jyldyǵyna jáne Konstıtýsııa kúnine arnalyp halyqaralyq «Plein Air Aktobe» atty keskindeme festıvali óz jumysyn bastady. On kúnge sozylatyn festıval qala mańyndaǵy «Energetık» demalys bazasynda uıymdastyrylýda. Festıvaldiń maqsaty – oblysta keskindeme ónerin damytýǵa yqpal etý, alystan kelgen sýretshilermen ózara tájirıbe almasý, taıaý sheteldiń jáne elimizdiń belgili qylqalam sheberleriniń eńbekterimen oblystyq kórkemsýret jáne sándik-qoldanbaly óner murajaıynyń qoryn tolyqtyrý bolyp tabylady. Oǵan qatysýshy sýretshiler osy merzimde Konstıtýsııa kúni, otbasy, mahabbat, Eýropa-Azııa, Qazaqstan Táýelsizdiginiń 20 jyldyǵy jáne Aqtóbe qalasy taqyryptaryna úsh keskindeme týyndysyn jazyp bitirýi kerek. Bul týyndylar oblystyq óner murajaıynyń qoryna qaldyrylady.
Satybaldy SÁÝIRBAI.