Bas prokýratýra azamattardyń quqyqtyq saýattylyǵyn arttyrý maqsatynda «Prokýrordyń 100 keńesi» tájirıbelik keńester jınaǵyn shyǵardy. Ortalyq kommýnıkasııalar qyzmetinde jınaqtyń mobıldik qosymshasynyń tanystyrylymy ótti.
Bas prokýratýranyń qylmystyq prosestiń sotqa deıingi satysynda zańdylyqty qadaǵalaý departamentiniń bastyǵy Qusaıyn Igembaev tanystyrylym barysynda usynylǵan qujattardyń azamattardyń quqyqtyq mádenıetin arttyrýǵa baǵyttalǵanyn atap ótti.
«Jınaqtyń maqsaty – ártúrli quqyqtyq jaǵdaıǵa túsken adamnyń qaýipsizdigin qamtamasyz etý. О́ziniń jáne jaqyndarynyń quqyqtary men múddelerin qalaı qorǵaý qajettiligin túsindirý, – dep málimdedi Q.Igembaev. – Jumys barysynda qylmystyq prosess orbıtasyna túsken dármensiz adamdardy jıi kezdestiremiz. Bul olardyń zańdy, ózderiniń quqyqtaryn, organdardyń mindetterin bilmeý saldarynan týyndaıtyn jaǵdaılar. Mysaly, jınaqta azamattardyń polısııa ustaǵanda ne isteý kerektigi, olardyń qandaı quqyqtary bar ekendigi, qansha merzimge ustaýǵa bolatyndyǵy jáne taǵy basqa suraqtarǵa jaýap bar».
Keńester jınaǵynyń kópshilikke qoljetimdi bolýyn qamtamasyz etý maqsatynda IOS jáne Android platformalarynda «Prokýrordyń 100 keńesi» mobıldik qosymshasy qurylyp, Bas prokýratýranyń saıtynda arnaıy paraqsha ornalastyryldy. Sondaı-aq, atalǵan jınaq halyq úshin eki tilde Bas prokýratýranyń saıtynda, 115.kz portalynda usynylǵan. Jınaqtyń elektrondyq nusqasy zańǵa nemese quqyqtyq aktilerge engizilgen ózgeristerge baılanysty jyldam jańartylyp, jańa keńester qosylyp turady.
Departament bastyǵy keri baılanystyń joǵary mańyzyna toqtalyp ótti. «Bas prokýratýranyń saıtynda azamattar ózderiniń usynystary men bilgisi kelgen suraqtaryn qaldyra alady. Ol boıynsha redaksııalyq alqa jumys isteıdi. Biz úshin halyqtyń senimi mańyzdy. Biz 100 keńespen shektelmeımiz. Bul jınaq – sizdiń keńesshińiz, kómekshińiz jáne senimdi dosyńyz», – dep túıindedi sózin Q.Igembaev.
Aıdar О́RISBAEV,
«Egemen Qazaqstan»