Astanadaǵy turǵyn úı keshenderiniń birinde bolǵan órtten aman qalǵan áıel esin jıdy, dep habarlaıdy Egemen.kz.
Qazirgi tańda úsh balasynan aıyrylǵan ananyń jaǵdaıy áli de aýyr dep baǵalanǵan. Ol jeti táýlikten beri jansaqtaý bóliminde jatyr.
Dáriger-travmatolog Marat Sabırovtyń málimetinshe, jaǵdaıdyń kúrdeliligi kúıik jaraqatymen, tynys alý joldarynyń zaqymdanýymen jáne ıntoksıkasııamen baılanysty.
Astanadaǵy balalar aýrýhanasynda órt shyqty
«Qazirgi ýaqytta pasıent esin jıdy, nusqaýlarǵa jaýap beredi. Barlyq qajetti medıkamentozdyq kómek kórsetilýde. Tynys alýy jasandy jeldetý apparatymen qamtamasyz etilgen. Júrek jumysy men arterııalyq qysymy turaqty», dedi maman.
Almatyda turǵyn úı órtinen tórt adam qutqaryldy
Eske sala keteıik, jan túrshigerlik oqıǵa ótken demalys kúnderi elordadaǵy turǵyn úı keshenderiniń birinde bolǵan. 15-qabattaǵy páterden órt shyǵyp, qutqarýshylar 39 jastaǵy áıeldi ǵana aman alyp qaldy. О́kinishke qaraı, úsh balasy qaza tapty.