Táýelsizdik sııaqty ulttyq qundylyqty búgingi tańda qazaq halqy júregimen sezinýi kerek. Táýelsiz eldiń bir tuǵyry – ulttyń rýhy, jigeri, qoǵamdyq sanasy. Azamattardyń múddesi men muraty ushtasqan Qazaqstannyń áleýeti el birliginde, ulttar tatýlyǵynda jatyr. Elimiz úshin HHI ǵasyr tarıhynyń paraǵy parasat pen paıymǵa toly. Bizdiń strategııalyq mindetimiz halyq ómiriniń sapasy men turmystyq deńgeıin kóterý bolyp tabylady.
Memleket basshysynyń kóregendigi men der kezinde júzege asyrylǵan saıası-ekonomıkalyq reformalardyń arqasynda Qazaqstan 2000 jyldyń basynda Eýropa qaýymdastyǵy, al 2002 jyly AQSh tarapynan naryqtyq ekonomıkasyn qalyptastyrǵan el retinde tanyldy. Elbasy saıasatynyń nátıjesinde Qazaqstandy búkil álem moıyndady. Qazaqstannyń EQYU-ǵa tóraǵalyq etýi Qazaq eliniń dúnıe júzi qoǵamdastyǵy aldyndaǵy bedelin bıiktete tústi. Eń bastysy, Memleket basshysy naqtylaǵan «Qazaqstan 2050» Strategııasynyń maqsattary men mindetteri oıdaǵydaı júzege asyrylýda.
Elimizdiń Konstıtýsııasynda «Qazaqstan ózin demokratııalyq zaıyrly, quqyqtyq jáne áleýmettik memleket retinde ornyqtyrady: onyń eń qymbat qazynasy – adam men adamnyń ómiri, quqyqtary men bostandyqtary» delingen. Demek, qoǵamda turaqtylyqty, tatýlyqty qalyptastyryp, eldiń ál-aýqatyn jaqsartý basty másele bolyp tabylady. Biz qazir shyn máninde derbestigimizge dańǵyl jol ashyp, azat oılaýdy qalyptastyrý ústindemiz. Elimiz lıberaldy demokratııalyq damý jolyna tústi. Sonymen qatar, ultaralyq kelisim men saıası turaqtylyqqa negizdelgen senimniń bıik deńgeıi saqtalyp otyr. О́zim qyzmet atqaratyn Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý júıesi táýelsizdik týyn kótergen sátten bastap búgingi kúnge deıin quqyqtyq memleketke júktelgen mindetti abyroımen atqaryp keledi. Onyń jumysy túbegeıli ózgerdi, mańyzy zor kóp salaly qyzmetti júzege asyra bastady.
Sonyń bir aıǵaǵy, sońǵy jyldary quqyqtyq statıstıka jáne arnaıy esepke alý júıesinde «Aıqyn», «Bıznes tiregi» jáne taǵy da basqa jańa salalyq jobalar qalyptasyp, óz órisin jalǵastyrýda.
Biz táýelsiz el bolý úshin qanshama qıynshylyqtardy basymyzdan ótkizdik, endi osy táýelsizdigimizdi saqtap qalý men turaqtylyqty qamtamasyz etý maqsatynda, quqyqtyq statıstıka organdary atqarǵan is-sharalar jáne aldaǵy oılastyrǵan jobalardy júzege asyrý úshin, halqymyzdyń ál-aýqatyn jaqsartý, ekonomıkasyn ári qaraı kóterý, memleketimizdiń gúldep jaınaýy, demokratııalyq jáne quqyqtyq memleket qurý jolynda aıanbaı eńbek etýimiz qajet.
Jomart OSPANOV,
aǵa ádilet keńesshisi
ASTANA