2017 jyldyń basynan bastap temirjol vokzalynyń avtoturaq aımaǵy QTJ-dan elorda ákimdiginiń qaraýyna ótedi.
Osyǵan baılanysty jáne elorda turǵyndary men qonaqtarynan shaǵymdardyń kóptep túsýine baılanysty Astana ákimi temirjol vokzalynda kóshpeli keńes ótkizdi. Seısenbi kúni keshke Áset Isekeshev vokzalǵa ózi baryp, halyqtyń shaǵymdary jedel sheshim qabyldaýdy talap etetinine kózi jetti, dep habarlady qala ákimdiginiń resmı saıty.
Osyǵan baılanysty ákim qoǵamdyq kóliktiń jumysy úshin jaýapty birinshi orynbasary Sergeı Horoshýnǵa 10 qańtarǵa deıingi merzim ishinde vokzal mańyndaǵy alańdy tártipke keltirýdi tapsyrdy.
Ákim 2017 jyldyń aqpan aıynda temirjol vokzalynda halyq shaǵymdaryn eskere otyryp, ǵımarat ishinde qaıta qurylys jumystary bastalatynyn jetkizdi. Jumsaq oryndyqtar qoıylyp, balalarǵa arnalǵan aımaqtar bólinedi, sýpermarket, bılet satý kassalary talapqa saı jetildiriledi, ǵımarattaǵy qaýipsizdik kúsheıtiledi. Jumystar kelesi jyldyń 1 sáýirine deıin júrgizilýge tıis.
10 qańtardan bastap vokzal mańy alańynda aqyly parkıng iske qosylady, ol avtokólikterdi tártipsiz qoıý máselesinen aryltady. Parkıngti oqý kýrstarynan ótip, salyq organdarynda tirkelgen akkredıtasııalanǵan taksı kólikteri ǵana paıdalanatyn bolady. Áset Isekeshevtiń aıtýynsha, osynyń bári jolaýshylardyń qaýipsizdigi men yńǵaılylyǵyn qamtamasyz etýge baǵyttalǵan.
«Kelesi jylǵy qańtardyń ortasynan bastap elorda vokzaly mańyndaǵy alań «saǵat sııaqty» jumys isteıdi. Sergeı Horoshýnǵa Kóliktik baqylaý komıtetiniń, memlekettik kirister komıtetiniń, elordalyq IID Jergilikti polısııa qyzmetiniń ókilderinen jumys tobyn quryp, aýmaqta tártip ornatýdy tapsyramyn», - dedi Áset Isekeshev.
Ákimniń aıtýynsha, kún saıyn vokzal 40 myńǵa deıin adamdy qabyldaıdy (jolaýshylar men shyǵaryp salýshy adamdardy eseptegende) jáne jańa temirjol vokzaly qoldanysqa engizilgenine qaramastan, eski vokzal barlyq, sonyń ishinde, jaılylyq boıynsha da halyqaralyq standarttarǵa sáıkes kelýge tıis.