2016 jyldyń 11 aıynda elordanyń ónerkásip kásiporyndary 368,2 mlrd teńgeniń ónimin shyǵardy, ósim kólemi 2,1%, dep habarlady astana.gov.kz.
Qala ekonomıkasyna 712,9 mlrd teńge ınvestısııalandy, bul ótken jylǵy kórsetkishten 1,5%-ǵa joǵary. Qalalyq ekonomıka jáne bıýdjettik josparlaý basqarmasy basshysynyń orynbasary Aıjan Túgelbaeva qalalyq máslıhattyń turaqty komıssııalarynyń birlesken otyrysynda osyndaı málimetter keltirdi.
О́ńirlik jalpy ónimniń kólemi boıynsha Astana respýblıkada Atyraý oblysynan keıingi ekinshi orynda tur. Osy jyldyń birinshi jartyjyldyǵynyń qorytyndysy boıynsha, ol 2 148,8 mlrd teńgeni qurady. Bul ótken jyldyń sáıkes kezeńindegiden 2,9%-ǵa kóp.
A. Túgelbaevanyń aıtýynsha, bıylǵy jyldyń qańtar-qarasha aılarynda elordada 17,3 myń jańa jumys orny qurylǵan. Bul 2016 jyldyń III toqsanynyń qorytyndysy boıynsha jumyssyzdyq deńgeıin 4,6%-ǵa deıin tómendetýge múmkindik berdi.
Bıýdjettik josparlaý basqarmasy basshysynyń orynbasary jekelegen áleýmettik-ekonomıkalyq ındıkatorlar boıynsha josparlyq kórsetkishter aǵymdaǵy jaǵdaıdy taldaý nátıjelerin eskere otyryp ózgertilgenin atap kórsetti.