112 el men 18 halyqaralyq uıym EKSPO-2017 kórmesine qatysady. Bul týraly Syrtqy ister mınıstri Erlan Ydyrysov Ortalyq kommýnıkasııalar qyzmetinde ótken baspasóz máslıhatynda málimdedi.
«Málimet boıynsha kórmege 100 el men 10 halyqaralyq uıym qatysatyn bolǵan. Biraq qorytyndysynda EKSPO-2017 kórmesine 112 el men 18 halyqaralyq uıym qatysatyn boldy. 108 ulttyq seksııanyń komıssary taǵaıyndaldy», – dedi E.Ydyrysov.
Mınıstrdiń aıtýynsha, vedomstvo EKSPO-2017 halyqaralyq kórmesine sheteldik memleketterdiń qatysýyn qamtamasyz etý boıynsha aýqymdy jumys atqaryldy.
«Halyqaralyq qatysýshylardy tartý – óte kúrdeli úrdis. Árbir qazaqstandyq elshilikte EKSPO kórmesi úshin jaýapti bir tulǵa saılandy. Turaqty túrde Qazaqstanda akkredıttelgen sheteldik elshilermen kelissózder ótkizilip keledi», – dedi E.Ydyrysov.
Sondaı-aq, mınıstr aıtqandaı, kórme aıasynda iri halyqaralyq sharalardy ótkizýge daıyndyq júrgizilýde.