Qazaqstan Respýblıkasynyń Ulttyq Banki 2016 jylǵy 27 jeltoqsanda «proof» sapasymen «Qazaqstannyń beıneleý óneri» monetalar serııasynan nomınaly 500 teńgelik «Qazaq valsi» eskertkish kúmis monetalaryn aınalymǵa shyǵarady, dep habarlaıdy Ulttyq bank.
«Qazaq valsi» monetasy ulttyq mádenıetimizdiń baı murasyn tanymal etýge arnalǵan, «Qazaqstannyń beıneleý óneri» atty jańa monetalar serııasyn ashady.
Monetanyń aversinde ortalyq bóliginde oıý-órnek aıasynda memlekettik tildegi «QAZAQSTAN RESPÝBLIKASY» jáne orys tilindegi «RESPÝBLIKA KAZAHSTAN» degen jazbanyń qorshaýynda Qazaqstan Respýblıkasynyń eltańbasy ornalasqan.
Tómengi bóliginde monetanyń nomınalyn bildiretin «500 TEŃGE» degen jazba, soǵylǵan jylyn bildiretin «2016» degen san jáne moneta daıyndalǵan metaldy, onyń synamyn jáne massasyn bildiretin «Ag 925 31,1 g» degen jazý bar.
Joǵary bóliginde memlekettik tilde «G. YSMAIYLOVA», «QAZAQ VALSI» degen jazba jáne Qazaqstan Respýblıkasy Ulttyq Bankiniń logotıpi ornalasqan. Monetanyń reversinde qazaqtyń áıgili bıshisi, Qazaq KSR Halyq ártisi Shara Jıenqulovanyń bılep turǵan sáti kórsetilgen sýretshi Gúlfaırýs Ysmaıylovanyń «Qazaq valsi» kartınasy (Á. Qasteev atyndaǵy Qazaqstan Respýblıkasynyń Memlekettik óner murajaıy) beınelengen.
Túsi tampomór tehnologııasy arqyly oryndalǵan. Qyry (gýrty) tegis, bederi men jazýy joq. Monetalar 925 synamdy kúmisten jasalǵan, massasy – 31,1 gramm, tik buryshy 35h45 mm, daıyndaý sapasy – «proof», eń kóp taralymy – 3 myń dana.
Nomınaly 500 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi – ulttyq valıýta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan monetalar kolleksııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Monetalardy Qazaqstan Respýblıkasy Ulttyq Bankiniń barlyq fılıaldarynda, sondaı-aq QRUB-nyń www.nationalbank.kz saıtynyń «Monetalardyń Internet-dúkeni» ınternet – dúkeni arqyly satyp alýǵa bolady.