Búgin «Egemen Qazaqstan» gazeti qyzmetkerleriniń balalary men nemerelerine arnalǵan dástúrli jańajyldyq kesh ótti. Ol Astanadaǵy Q.Qýanyshbaev atyndaǵy qazaq drama tetrynda uıymdastyryldy.
Bul jańajyldyq shyrshaǵa 12 jasqa deıingi balalar qatysty. Taqpaq aıtyp, Aıaz Atadan túrli syılyqtar alǵan baldyrǵandarǵa shara barysynda túrli oıyndar da uıymdastyryldy.
«Egemen» uıymdastyrǵan bul shyrsha buǵan deıingi jańajyldyq merekelerinen ózgesheleý boldy desek te bolady. О́ıtkeni, bul joly baldyrǵandarǵa jańajyldyq syılyqtardan bólek, tanymal ertegi – «Kúlshe qyzdyń» qoıylymy usynyldy. Bul qoıylymda Q.Qýanyshbaev atyndaǵy qazaq drama teatrynyń maıtalman ártisteriniń oınaýy jańajyldyq keshtiń mán-mańyzyn arttyra túskendeı boldy.
Jalpy, jańa jyl merekesin eresekterge qaraǵanda sábıler asyǵa kútedi. Olar atalǵan mereke jaqyndaı túskende erekshe daıyndala bastaıdy. Ásirese, jańajyldyq shyrshanyń janynda qol ustasyp án aıtý, bı bıleý sábıler úshin erekshe bir ǵanıbet. Bul sátter, árıne, balalardyń uzaq ýaqytqa tátti eles bolyp qalyp qoıady. Al ata-analar úshin balasynyń qýanǵanyn kórý – bir baqyt.
Joldybaı BAZAR, «Egemen Qazaqstan».
Sýreterdi túsirgen Erlan OMAROV