QR Ulttyq banki "Delta Bank" AQ jeke tulǵalardyń depozıtterin qabyldaý, bank shottaryn ashý bóliginde banktik jáne ózge de operasııalardy júrgizýge jáne baǵaly qaǵazdar naryǵyndaǵy qyzmetti júzege asyrýǵa berilgen lısenzııanyń qoldanylýyn jańartý týraly sheshim qabyldady. Bul týraly Ulttyq banktiń baspasóz qyzmeti habarlady.
"2016 jylǵy 29 jeltoqsanda "Delta Bank" aksıonerlik qoǵamyna jeke tulǵalardyń depozıtterin qabyldaý, bank shottaryn ashý bóliginde banktik jáne ózge de operasııalardy júrgizýge jáne baǵaly qaǵazdar naryǵyndaǵy qyzmetti júzege asyrýǵa berilgen lısenzııanyń qoldanylýyn jańartý týraly» Qazaqstan Respýblıkasy Ulttyq Banki basqarmasynyń № 318 qaýlysy (budan ári - Qaýly) qabyldandy. Bul qaýlymen 2016 jylǵy 29 jeltoqsannan bastap "Delta Bank" AQ-qa (budan ári - Bank) jeke tulǵalardyń depozıtterin qabyldaýdy, bank shottaryn ashýdy qaıta júzege asyrýǵa ruqsat berildi", - delingen habarlamada.
Qaýly Qazaqstan Respýblıkasy Prezıdentiniń 2003 jylǵy 31 jeltoqsandaǵy №1271 Jarlyǵymen bekitilgen Qazaqstan Respýblıkasynyń Ulttyq Banki týraly erejeniń 23-tarmaǵynyń 31) tarmaqshasy negizinde, banktiń aktıvterdiń sapasyn jaqsartýǵa, táýekelderdi basqarý jáne ishki baqylaý júıelerin jetildirýge baǵyttalǵan birqatar is-sharalardy júrgizýi týraly ótinishin jáne rastaıtyn qujattaryn qaraý qorytyndylary boıynsha, sondaı-aq bank aksıonerleriniń banktiń ótimdiligin qoldaý jáne qosymsha kapıtaldandyrý boıynsha ózderine qabyldaǵan mindettemelerin eskere otyryp qabyldandy.