Qańtarda Qazaqstanda úsh ret kúnniń sýytýy kútilýde, dep habarlady «Qazgıdromet». Kúnniń sýytýy Rojdestvo merekeleri qarsańynda (17-23 qańtar) jáne aıdyń aıaǵynda bolady.
«Uzaqmerzimdi boljamǵa sáıkes 17-23 qańtarda, aıdyń aıaǵynda aýa temperatýrasy tómendeıdi. Soltústikte túnde 30...35 aıaz, kúndiz 20...25 aıaz; ońtústikte túnde 20...25 aıaz, kúndiz 15...20 aıaz bolady», - delingen habarlamada.
Qyzylorda, OQO, Jambyl, Almaty oblystarynda ortasha aılyq temperatýra norma aıasynda bolady dep kútilýde. Qalǵan aýmaqtarda 1°S normadan joǵary.
Qyzylorda, OQO--nyń basym bóligi, Jambyl oblystarynda aılyq jaýyn-shashyn mólsheri normaǵa jýyq, qalǵan aýmaqta normadan artyq bolady dep kútilýde. Atlantıkalyq sıklondardyń jıi ótýinen aıdyń basym bóliginde jel 15-20 m/s-qa kúsheıip, qar jaýady, boran soǵady. Ońtústik óńirlerde jaýyn-shashyn, tuman, kóktaıǵaq bolady.