Nemistiń áıgili Transfermarkt saıtynyń habarlaýynsha, Qazaqstan Premer-lıgasyndaǵy komandalardyń jalpy quny 95 mıllıon eýrony qurady. Bul týraly alzhan.kz habarlady.
Buǵan deıin atalǵan saıt elimizdegi transferlik quny joǵary fýtbolshylardyń tizimin jasaǵan.
Qazaqstan Premer-lıgasynda 12 komanda óner kórsetedi. Tizimdi el chempıony «Astana» (22 300 000 eýro) men Almatynyń «Qaıraty» (19 080 000 eýro) bastap tur. Al barlyq komandalardyń quny 95 730 000 eýrony quraıdy.
Germanııanyń Býndeslıgasy 2 500 000 000 eýrony qurasa, Italııanyń A serııasy 2 860 000 000 eýroǵa baǵalanǵan. Ekinshi oryndy Ispanııanyń La Lıgasy ıelengen. Messı men Ronaldý sekildi álemniń úzdik fýtbolshylary dop tebetin birinshiliktiń quny 4 mıllıard eýroǵa jýyq. Al álemdegi eń qymbat chempıonat bolyp Anglııanyń Premer-Lıgasy tanyldy. APL-de óner kórsetetin fýtbolshylardyń jalpy quny 5 mıllıard eýro tóńireginde.