Box Sport nemis boks jýrnaly 2016 jyldyń qorytyndysyn jarııalady, - dep habarlaıdy Vesti.kz.
Eń úzdik sheteldik boksshy bolyp qazaqstandyq Gennadıı Golovkın boldy, ol ýkraınalyq Vasılıı Lomachenko men amerıkalyq Andre Ýordty ozyp ketti.
2016 jyly Golovkın eki kezdesý ótkizdi. Sáýirde ol amerıkalyq Domınık Ýeıdti nokaýtqa túsirgen bolatyn, al qyrkúıekte ulybrıtanııalyq boksy Kell Brýkpen jekpe-jekti merziminen buryn aıaqtady. Eki kezdesýde de onyń qarsylastary ózderiniń sport mansabynda birinshi ret jeńildi. Sonymen qatar, 2016 jyly GGG Saýl "kanelo" Alvarestiń jekp-jekten bas tartýyna baılanysty orta salmaqtaǵy WBC belbeýin ıemdendi.
Basqada boksshylarmen qatar Golovkınniń sýreti Box Sport jýrnalynyń muqabasyna shyqty, ol jýrnal 3 aqpannan bastap satylymǵa shyqty. Sýrette Brýkpen túsken sáti beınelengen.
Box Sport jýrnaly jeńimpazdy ár túrli nomınasııalar boıynsha oqyrmandar men qazylar alqasy taǵaıyndaǵan. Olardyń quramynda boks áleminiń mamandary men jýrnalıster kirgen.
Aıta keteıik, Golovkın óziniń kásipqoı bokstaǵy sporttyq mansabyn Germanııadan bastaǵan. 2006-2010 jyldary aralyǵynda ol nemistiń Universum promoýterlik kompanııasymen kelisim shartta jasasqan. Gambýrg soty arqyly kelisimshartty buzyp, Golovkın AQSh-qa barǵan. Onyń 36 kezdesýiniń 17 jekpe-jegi Germanııada ótken.