QR IIM jáne ShQO MKD-niń laýazymdy tulǵalary ustaldy, dep habarlaıdy Jemqorlyqqa qarsy kúres boıynsha ulttyq bıýronyń baspasóz qyzmeti. Bul týraly Tengrinews.kz jazady.
"QR IIM-niń Aqtóbedegi batys óńirlik áskerı-tergeý basqarmasynyń basshysy podpolkovnık S. Abdýlaev UQK áskerı bóliminiń qyzmetkerinen qylmystyq jaýapkershilikke tartpaý úshin 2 mln teńge talap etip jatqan jerinen áshkere boldy. Talap etilgen paranyń bir bóligin, ıaǵnı 700 myń teńgeni alý kezinde Abdýlaev qylmys ústinde qolǵa túsip, Aqtóbe IIB-niń ýaqytsha tergeý ızolıatoryna jetkizildi", - delingen habarlamada.
Sonymen qatar, ShQO MKD Aıagóz aýdany boıynsha Memlekettik kiris basqarmasynyń qyzmetkeri J. Qojaeva mekemeniń basshysyna 250 myń teńge para berýge áreket etkeni úshin ustaldy. Zańsyz syıaqy Aıagózdiń ortalyq bazarynda alkogol ónimderin saýdalaýǵa ruqsat alý úshin berilmek bolǵan. Qojaeva qazir Aıagóz aýdandyq IIB-niń ýaqytsha tergeý ızolıatoryna jetkizildi.
Qazir sotqa deıingi tergeý amaldary júrgizilip jatyr.
https://www.youtube.com/watch?v=5DDAz_dpUlo