Almatyda ótken 28-shi qysqy Ýnıversıada oıyndary tarıhta stýdentter jarysyna kelgen kórermender sanymen este qaldy. Bul týraly Ýnıversıada-2017 bıletpen qamtamasyz etý departamentiniń jetekshisi Vadım Dergachev málimdedi, dep habarlaıdy tengrinews.kz.
«Bıyl qysqy oıyndarǵa 230 myń adam keldi. Barlyǵy 117 jarys 8 nysanda ótkizildi. Halyqaralyq FISU uıymy qysqy Ýnıversıada oıyndarynda kórermenderi eń kóp bolǵan stýdenttik jarys ekenin rastap berdi", - dedi Dergachev.
Bıletpen qamtamasyz etý departamenti jetekshisiniń aıtýynsha, adamdar eń kóp keletin sport túri – hokkeı. Munda matchtarǵa 90 myńnan asa adam kelgen. 50 myńǵa jýyq adam mánerlep syrǵanaý jarystaryn tamashalaǵan. Dergachevtyń aıtýynsha, kerlıng, short-trek sııaqty jarystardyń ózinde otyratyn oryndar toly bolǵan.
«Shamamen kelýshiler sany 80 paıyzdy qurady. Kóptegen jarystarda adamdar tolyp otyrdy», – dedi Ýnıversıada dıreksııasynyń ókili.