Aqtaý qalasynyń teńiz jaǵasynda ornalasýy týrızm salasynda mol múmkindikterge jol ashady. Ásirese, jer kórip, el taný maqsatynda týrıstik saparmen kelgenderge sapaly servıstik qyzmettermen birge, óz elimizdi, jerimizdi jaqsy jaǵynan kórsete bilý de basty maqsat.
Aqtaýda aýa toltyrylǵan sharmen saıahattaý jobasy jasaqtalýda. Jobanyń tuńǵysh qonaqtary alǵash ret sharmen áýege kóterilip, Aqtaý men kók teńizdi bıikten tamashalap kórdi. 900 metr bıiktikke kóterile alatyn shardyń kárzeńkesine ushqysh-basqarýshyny qosqanda 5 adam syıady.
Jobany qolǵa alǵan jastar toby óz bastamalarynyń turǵyndar úshin qalany damyta túsýdiń bir baǵyty ekenin, bul kásipti ashý úshin kóp oılanyp baryp ortaq sheshimge kelgenderin aıtady. Qazir ózderiniń sheberlikterin shyńdap júrgen jastar synaqtar ótkizýde.
Jańa bastamaǵa jumyla kirisken jastar óz jumystarynyń jurtshylyqqa unaıtynyna senimdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy