QR Bas prokýratýrasy Quqyqtyq statıstıka jáne arnaıy esepke alý komıtetiniń Astana qalasy boıynsha basqarmasy ashyq esik kúnderin ótkizýde, dep habarlaıdy elorda ákimdiginiń resmı saıty.
Sharanyń maqsaty - qoǵam ókilderin tolyqqandy jáne jetkilikti túrde aqparattandyrý, jáne baqylaýshy organdar tarapynan qysymdy tómendetý, jeke kásipkerlikti damytý barysynda ákimshilik kedergilerdi joıý.
Shara barysynda jaýapty qyzmetkerler kásipkerlik sýbektilerine keńes berip, memlekettik baqylaý jáne qadaǵalaý organdary júrgizetin tekserýlerdi júrgizýdiń tártibin reglamentteıtin zań talaptaryn túsindiredi.
Ashyq esik kúnderi 13 aqpannan bastap 28 aqpanǵa deıin jalǵasady. Shara Astana qalalyq quqyqtyq statıstıka jáne arnaıy esepke alý basqarmasynyń keńsesinde ótýde. Mekemeniń meken-jay Astana qalasy, Omarov kóshesisi 60, 103.