Elbasy 2017 jylǵy 31 qańtarda óziniń Qazaqstan halqyna arnaǵan Joldaýynda 2016-2020 jyldarǵa arnalǵan jekeshelendirýdiń keshendi josparynda aıqyndalǵan kásiporyndardy jekeshelendirýdi jyldamdatýdy jáne ony 2018 jyldyń aıaǵyna deıin aıaqtaýdy tapsyrdy.
Sátti jekeshelendirýdiń negizgi sharttarynyń biri jekeshelendirý úrdisteriniń ashyqtyǵy men aıqyndyǵyn qamtamasyz etý bolyp tabylady. Osy baǵytta mınıstrlik obektiler týraly barlyq aqparatty, satýdyń biryńǵaı erejeleri kórsetilgen «bir tereze» qaǵıdaty boıynsha jekeshelendirýdiń «ekinshi tolqynynyń» barlyq obektileri boıynsha barlyq qoldanýshylarǵa yńǵaıly biryńǵaı aqparattyq derekter bazasyn (na privatization.gosreestr.kz) qurdy.
Osylaısha, elektrondy saýda-sattyq júrgizilgende sybaılas jemqorlyq jaǵdaılaryn joıýǵa múmkindik beretin satýshy men saýda-sattyqqa qatysýshynyń jeke baılanysy múldem joıyldy.
Jekeshelendirý qarqynyn kúsheıtý úshin onyń barynsha aýqymdy kólemin 2017 jyly júzege asyrý arqyly obektilerdi saýda-sattyqqa shyǵarý merzimderi qaıta qaralatyn bolady.
Obektiniń saýdalanýyn júzege asyrý monıtorıngisin ár kezeńde qamtamasyz etý úshin on-line túrinde monıtorıngtiń elektrondy júıesi engiziletin bolady.
Osy ádistimelerdi júzege asyrý jeke menshik sektordyń básekelestikke qabilettiligin arttyrýǵa jáne damytýǵa qosymsha jaǵdaılar qurýǵa múmkindik beredi dep kútilýde.
Berik Sholpanqulov,
Qarjy vıse-mınıstri