Mektepterde «Adal azamat» birtutas tárbıe baǵdarlamasy sheńberinde 11-synyp oqýshylaryna arnalǵan synyp saǵaty bir mezgilde elimizdiń barlyq aımaǵynda uıymdastyryldy, dep habarlaıdy Egemen.kz.
Oqý-aǵartý mınıstrliginiń málimetinshe, «Bilim – memlekettik saıasattyń basty qundylyǵy: jańa Konstıtýsııadaǵy basymdyqtar» atty taqyrypta ótken is-sharanyń maqsaty – oqýshylarǵa jańa Konstıtýsııanyń mazmunyn túsindirý, oqýshylardyń quqyqtyq saýattylyǵyn arttyrý jáne azamattyq jaýapkershiligin qalyptastyrý.
Úkimet jańa Konstıtýsııany túsindirý jónindegi is-sharalar josparyn bekitti
Synyp saǵaty barysynda bilim alýshylar jańa Konstıtýsııanyń negizgi qaǵıdattarymen tanysyp, óz quqyqtary men mindetteri týraly túsinikterin keńeıtti. Sonymen qatar zańǵa baǵyný mádenıetin qalyptastyrý jáne «Adal azamat» qundylyqtaryn dáripteý baǵytynda túsindirý jumystary júrgizildi.
«Mundaı formattaǵy synyp saǵaty el aýmaǵyndaǵy barlyq oqýshylardy ortaq quqyqtyq taqyryptar tóńireginde biriktirýge múmkindik berdi», delingen habarlamada.
Jańa Konstıtýsııa – ornyqty bolashaq kepili