AQSh Federaldy qor júıesi (FRJ) eki kúndik otyrys nátıjesinde dollardyń bazalyq mólsherlemesin 0,25 paıyzǵa kóterip, 0,75-1,00 paıyz aralyǵyna jetkizdi. Aıta keteıik, ótken jyldyń jeltoqsanynda FRJ bazalyq mólsherlemeni 0,25-0,50 paıyzdan 0,50-,075 paıyzǵa kóbeıtken edi. Sol kezde 2017 jyly bazalyq mólsherleme eki nemese úsh ret kóterilýi múmkin ekeni aıtylǵan.
Komıtettiń bul sheshimin ınvestorlar burynnan kútip otyrǵan. Tipti, FRJ bundaı qadamǵa jyl basynda barady degen boljam bolǵan edi. Degenmen, Tramptyń Aq úıge kelýimen AQSh qarjy saıasatynyń turaqsyzdanýy FRJ basshylyǵyn kidire turýǵa májbúr etken.
Bloomberg agenttiginiń málimetinshe, FRJ sarapshylary bir aýyzdan osyndaı sheshimdi qabyldaǵan.
FRJ-nyń mundaı qadamǵa barýyna birinshi sebep retinde sarapshylar AQSh-taǵy ınflıasııanyń kóbeıýin alǵa tartady. О́tken jyldyń jeltoqsanyndaǵy jıynda FRJ tóraıymy Djannet Iellen bir jylda bazalyq mólsherlemeniń 3 ret qatarynan kóterilýi múmkin ekenin aıtqan.
2017 jyly endi FRJ-nyń taǵy 6 jıyny bolady. Olar 2−3 mamyrda, 13−14 maýsymda, 25−26 shildede, 19−20 qyrkúıekte, 31 qazan-1 qarashada jáne 12−13 jeltoqsanda.