Búgin saǵat 22:00-de «Astana Arena» alańynda «Astana» (Qazaqstan) men APOEL (Kıpr) arasynda fýtbol matchy ótedi. Osyǵan oraı saǵat 20.00-de Qabanbaı batyr jáne Turan dańǵylynyń Kereı men Jánibek handar kóshesinen Hýseın Ben Talal kóshesine deıin jol qozǵalysy toqtatylady, dep habarlady elorda ákimdiginiń baspasóz qyzmeti.
Tyıym match aıaqtalǵanǵa deıin sozylady. Júrgizýshiler Máńgilik el kóshesimen aınalyp óte alady.
Astana IID jergilikti polısııa qyzmeti júrgizýshilerden jolda muqııat bolýyn suraıdy. Astana halyqaralyq áýejaıyna jol júrýdi josparlaǵan azamattarǵa jáne jaqyn aýdandardaǵy turǵyndarǵa aldyn-ala balamaly jol qozǵalysyn josparlaýdy usyndy.
Jankúıerlerdi jınaý men jetkizý arnaıy reıstermen bes pýnktten myna mekenjaı boıynsha júrgiziledi:
1) «Qazaqstan» SK kólik turaǵynan (Qajymuqan kóshesi);
2) «Áziret Sultan» meshitinen (Qoshqarbaev dańǵyly);
3) «Nur Astana» meshitinen (shyǵys jaǵynyń kólik turaǵy );
4) Qalalyq sırk kólik turaǵynan (Qorǵaljyn shossesi kólik turaǵy);
5) Muńaıtpasov atyndaǵy alań kólik turaǵynan (Kenesary kóshesi).
Astana IID jergilikti polısııa qyzmeti elorda turǵyndary men qonaqtaryna jappaı is-shara barysynda tártip pen tazalyq saqtaýǵa keńes berdi.