"Barselonanyń" oıynshysy Lıonel Messı halyqaralyq klýbtyq týrnırlerde 100 gol salǵan alǵashqy fýtbolshy boldy, dep habarlaıdy Pasion Futbol.
Keshe Chempıondar lıgasynda shotlandııalyq "Seltıkpen" bolǵan oıynda dýbl jasaǵan Messı "Barselona" sapynda halyqaralyq klýbtyq jarystarda óziniń 99 jáne 100-golyn saldy.
Bul 100 goldyń 92-sin forvard Chempıondar lıgasynda, beseýin klýbtyq álem chempıonatynda jáne úsheýin Eýropanyń sýperkýbogynda saldy. Messı jalpy 119 oıyn ótkizdi.
Odan keıingi orynda Krıshtıaný Ronaldý tur. Ol "Sportıng", "Manchester Iýnaıted", "Real" komandalarynyń quramynda 99 dop saldy. Onyń 96-sy Chempıondar lıgasynda, bireýi klýbtyq álem chempıonatynda, ekeýi Eýropanyń sýperkýbogynda (barlyǵy 141 oıyn) salynǵan.