Batys Qazaqstanda jyl basynan beri 1239 jańa ǵımarat, onyń ishinde 1157 turǵyn úı maqsatyndaǵy nysan paıdalanýǵa berildi. Bul týraly oblystyń statıstıka departamenti habarlady.
2016 jylǵy qańtar-qazanda oryndalǵan qurylys jumystarynyń kólemi 80,7 mlrd teńgeni nemese 2015 jyldyń qańtar-qazan deńgeıine 109,1% qurady.
2016 jylǵy qańtar-qazanda 1239 jańa ǵımarat, onyń ishinde 1157 turǵyn úı jáne 82 turǵyn úıge jatpaıtyn ǵımarattar paıdalanýǵa berildi. Osy ýaqyt aralyǵynda úı qurylysyna 17,0 mlrd. teńge ınvestısııa baǵyttalǵan nemese 2015 jylǵy qańtar-qazan deńgeıinen 108,1%-ǵa kóp. Paıdalanýǵa berilgen turǵyn úılerdiń jalpy alańy 210,0 myń sharshy metrdi qurady, paıdalanýǵa berilgen turǵyn úıdiń naqty kóleminiń ındeksi 2015 jylǵy qańtar-qazan deńgeıine 118,9% qurady.
2016 jylǵy qańtar-qazanda jurtshylyq qarajaty esebinen 136,0 myń sharshy metr turǵyn úıler, respýblıkalyq bıýdjet qarajaty esebinen - 36,7 myń sharshy metr jalǵa beriletin kommýnaldyq turǵyn úıler, kásiporyndardyń jeke qarajaty esebinen - 37,3 myń sharshy metr kommersııalyq turǵyn úıler paıdalanýǵa berildi. Iske qosylǵan turǵyn úılerdiń kóbeıýi Oral qalasynda jáne Bórli, Jańaqala, Qaratóbe, Terekti, Shyńǵyrlaý aýdandarynda baıqalady.