«Shymkent sity» jobasyn iske asyrýǵa «Turan» shaǵyn aýdanynan 427 gektar jer bólindi.
Uly Jibek jolynyń boıyna ornalasatyn jańa qalanyń jobasymen BAQ ókilderin tanystyrý maqsatynda press-týr uıymdastyryldy.
– Injenerlik-kommýnıkasııalyq ınfraqurylym jumystaryn tolyǵymen aıaqtaý úshin bıýdjetten 6,7 mlrd teńge qarjy bólingen. Bıyl ondaǵy 1,9 mlrd teńge qarjysy ıgerildi. Bul jumystardy 2017 jyly aıaqtaý kózdelýde, – deıdi qala ákiminiń orynbasary N. Kósherov.
Bolashaq jańa qalanyń ortalyq aýmaǵynda boı túzegen alǵashqy kópqabatty turǵyn úılerdiń qurylysy da aıaqtalýǵa jaqyn. 9, 12, 16 qabattan turatyn jalpy sany 316 turǵyn úı ǵımaraty keler jyldyń sońyna qaraı paıdalanýǵa berile bastamaq. Bir súısintetin jaǵdaı, mundaǵy páterlerge azamattar «Qoljetimdi baspana – 2020» baǵdarlamasy aıasynda «Qazaqstannyń turǵyn úı qurylys jınaq banki» AQ-y arqyly qol jetkize alady.
Baqtııar TAIJAN,
«Egemen Qazaqstan».
Ońtústik Qazaqstan oblysy.