Qytaıda qurylys júrgizip jatqan jumysshylar tas bolyp qalǵan dınozavrdyń qańqasyn tapty, dep habarlady 24.kz.
Ǵalymdardyń aıtýynsha, ol 60-70 mıllıon jyl buryn Bor dáýirinde ómir súrgen bolýy múmkin.
Mamandar dınozavr qańqasyna qarap, ony batpaqqa batyp, sol jerden shyǵa almaı ólgen bolýy múmkin degen boljam jasady. Sonymen qatar, olar dınozavr jańǵaq, dándi daqyldar jáne jumsaq deneli omyrtqasyz jándiktermen azyqtanǵan dep sanaıdy.
«Denesi ýaq maldyń kólemindeı bolǵan. Asa iri emes. Qanattary bolǵanmen, usha almaǵan. Qanatty tek jaýyna qarsy turýǵa nemese bir-biriniń nazaryn aýdarý úshin paıdalanǵan bolýy múmkin. Aýzynda tisi bolmaǵanymen, tumsyqty. Sondyqtan tırannozavrlar sııaqty jyrtqysh nemese tek shóppen qorektengen brontozavrǵa uqsaıdy dep aıtýǵa kelmeıdi», – dedi paleontolog Stıv Brıýsatte.