Tórt tildi tolyq meńgergen

jastar qatarynyń kóbeıip kele jatqany qýantady «Qazaqstandyqtar bolashaǵy – birtutas el» atty dóńgelek ústel aıasynda aımaq basshysy Erik Sultanov kóp tildi meńgergen óńir jastarymen kezdesti. Onda jınalǵan túrli ult ókilderin birneshe tildi bilýi biriktirdi. Erik Hamzauly óz sózinde Qa­zaq­­standy mekendegen kez kelgen ha­lyqtyń dástúri, mádenıeti, tili sol eldiń baı tarıhynyń aınasy ekenin jetkizdi. Memlekettik til­di damytýdyń negizgi kórset­kish­te­ri áleýmettik jáne qoǵam­dyq qyz­metpen etene baılanys­ty. Halyq pen memlekettiń tú­be­geıli ózgerýi til damýyna da aı­tarlyqtaı áser etedi. Árbir til – tutas álem. El­basy N. Nazarbaev mem­lekettik til ulttyq birliktiń ne­gizgi fakto­ry jáne halyqty bi­rik­tirýshi bas­ty kúsh ekenin talaı márte atap kór­setti, dedi ol. Tilderdi damytý bas­qar­ma­sy­­nyń basshysy Kemel Ospanov shara maqsaty memlekettik til már­te­besin arttyrýdy, qazaq, orys, aǵyl­shyn tilderin jetik ıge­r­- gen, ár­túrli salada jumys is­teıtin jas mamandarǵa jan-jaq­ty qoldaý te­tik­terin kúsheı­týdi kózdeıtinin aı­ta kelip, Maǵ­jan­nyń «Ulttyń ult bolýyna birinshi shart – til» degen oramdy oıyn mysalǵa keltirdi. Bul sózdiń táýelsiz Qazaqstan úshin mańyzy joıylmaq emes. Aýdandar men qalalardan jı­nal­­ǵan jas­tar, muǵalimder, «Nur Otan» partııasynyń «Jas Otan» jas­tar qanatynyń, Qazaqstan hal­qy Assambleıasynyń, stýdentter qaýymynyń ókilderi úshtildiliktiń qoǵam­daǵy róli týraly oı-pikir­le­rimen bólisti. M. Jumabaev atyndaǵy gý­ma­nıtarlyq kolledjinde jumys is­teıtin Jandos Qalel tórt tilde erkin sóıleıdi. Onyń til úı­renýge degen qushtarlyǵy otba­synan bastalǵan. Tyń kóterý ke­zinde respýblıkamyzǵa kelgen túrli ult ókilderimen ájesi qoıan-qoltyq aralasqan. Sóıtip, esh qınalmastan birneshe tildi meń­gerip alǵan. Keıin bul dástúr ne­­mereleri arqyly jalǵasqan. Jan­dostyń aǵasy túrik jáne arab tilderin jaqsy biledi. Qa­ryn­dasy da birneshe tilge aǵyp tur. Úsh balanyń anasy Maral Qurmanova ýnıversıtette aǵyl­shyn, nemis tilderinen sa­baq ber­e­di. Ulttyq Ulan áskerı ıns­tı­týtynyń birinshi kýrs stý­de­nti Rýslan Sýhorýchkınniń aı­týyn­sha, ár halyqtyń basty qun­dy­lyǵy – tili. Memlekettik til tý, eltańba, ánuran sııaqty basty nysh­andarymyzdyń biri. Qazaq, orys, nemis, aǵylshyn tilderine qamshy saldyrmaıtyn oblystyq ishki ister departamentiniń leıtenanty Marına Pısarenko bıyl Ishki ister mınıstrliginiń Al­ma­tydaǵy akademııasyn bitirip ke­lip­ti. Ápkesi Tanıa da qazaqshaǵa sý­daı kórinedi. Tórt tilde erkin sóı­leıtinderdiń biri Erjan Máken Germanııadaǵy Martın Lıýter atyndaǵy Halle-Vıtenberg ýnı­versıtetin «Bolashaq» ha­lyq­aralyq baǵdarlamasy boıyn­sha támamdap, aýdandyq ákim­dik­ke qyzmetke ornyǵypty. Na­talıa Gorbatova men Alena Pla­tonova M.Qozybaev atyndaǵy Sol­tústik Qazaqstan memlekettik ýnı­­versıtetinen qazaq tili já­ne áde­bıeti páni muǵalimi maman­dy­ǵyn alyp shyqqannan beri shá­kirt­teriniń ózderine uqsaýyn bas­ty paryz sanaıdy. Olardyń qa­zaq tilin meńgerý talaptaryn áke-shesheleri, týǵan-týystary bir­aýyzdan qoldap, aq batalaryn bergen. «Til – el birligi» baı­qaýynda alǵys hatqa ıe bolǵan. Ǵ.Músirepov aýdanynda eńbek ete­tin jas maman Nursultan Baızaq ta bir­neshe tilge júırik. Memlekettik tildi talmaı nasıhattap júrgen bir top jas al­ǵys hatpen marapattaldy. О́mir ESQALI, «Egemen Qazaqstan» Soltústik Qazaqstan oblysy