Maman emes, aldymen adam tárbıeleýimiz kerek

Keshe Almatyda «Bóbek» Ulttyq Ortalyǵynda «Bóbek» qorynyń Prezıdenti Sara Nazarbaevanyń qatysýymen «О́zin ózi taný» rýhanı-adamgershilik bilim berý baǵdarlamasy boıynsha IX respýblıkalyq keńes ótti. Bilim jáne ǵylym mınıstr­liginiń uıym­das­ty­rýymen ótken keńes jumysyna JOO rektor­lary, «О́zin ózi taný» RAB boıynsha Res­pýblıkalyq keńestiń músheleri, mem­lekettik organdardyń, úkimet­tik emes uıymdar men peda­go­gı­ka­lyq qoǵamnyń ókilderi qa­ty­syp, atalǵan baǵdarlamany jú­ze­ge asy­rýdaǵy uıymdastyrý-bas­qa­rý jáne ǵylymı-ádistemelik ne­giz­derin jetildirý máselelerin tal­qylady. Barshaǵa málim, «О́zin ózi ta­ný» jalpyǵa min­detti páni – eli­mizdiń mektepke deıingi jáne orta bilim berý júıesine, sondaı-aq pedagogtar daıarlaýdyń bilim berý baǵdarlamasyna 2010 jyl­dan bastap engizildi. Ondaǵy maq­sat – jas urpaqtyń qundylyq baǵ­darlarynyń qalyptasýynda ma­ń­yzdy ról atqaryp, ósip kele jat­qan tulǵanyń rýhanı dúnıesi baı, je­tis­tikke qol jetkize alatyn, óz ómi­ri­ne jaýapkershiligi joǵary adam bolýǵa úıretý. Otyrystyń moderatory, Res­pýb­lıkalyq ke­ńestiń tóraıymy – Bilim jáne ǵylym vıse-mınıstri E.Sýhanberdıeva óz sózinde «О́zin ózi taný» rýhanı-adamgershilik bilim berý baǵ­dar­la­masynyń mańyzy, onyń iske asyrylýy jáne biryńǵaı bilim berý keńestiginde «О́zin ózi taný» RAB baǵdarlamasyn engizetin qanatqaqty bilim berý uıymdary júıesin ulǵaıtý máse­lesine keńinen toqtaldy. Son­daı-aq, Aqtóbe oblystyq bi­lim berý basqarmasynyń basshysy Sáýle О́mirbekova pedagog úshin eń mańyzdy másele – aldyńdaǵy oqýshynyń áleýetin ashýǵa kómek­tesý, ony ómirde, tájirıbede qol­danýǵa, sóıtip, balanyń aldymen ózin, ortasyn túsinýge múmkindik berý kerektigin aıta kele, búginde oblys­ta bes bilim berý mekemesinde bul baǵdarlamanyń tereńdetilgen modeliniń oqytylyp jatqanyn tilge tıek etti. Al Abaı atyndaǵy QazUPÝ rektory Serik Pirálıev bul pán­niń pedagogıkalyq JOO oqy­tylý barysynda stýdent ja­s­tar­dyń adamgershilik sapala­ry men qabiletterin keńinen ashý­ǵa múmkindik beretinine, gý­manıstik dúnıetanym ne­gizderi qalanatyndyǵyna toqtaldy. Son­daı-aq, 2010 jyldan beri ýnıversıtetti 2 myńǵa jýyq jas maman bitirip shyqqanyn, arnaıy jabdyqtalǵan «О́zin ózi taný» oqý kabıneti ashylyp, stýdent-volonterlerdiń usynysymen «Meıirim» klýbynyń jumys jasaıty­nyn, alty jyldan beri ózin ózi taný kafedrasynyń kúshimen monografııa, ádistemeler, oqý quraldary jazylǵanyn, aldaǵy jańa oqý jylynda magıstratýra, doktorantýra ashýdy oılastyryp jatqandaryn ortaǵa saldy. Jıyndy «О́zin ózi taný» rýhanı-adamgershilik bilim be­rý baǵdarlamasynyń avtory S.Nazarbaeva qorytpas bu­ryn, atal­mysh baǵdarlamanyń qoǵam­daǵy, adamnyń jeke basyndaǵy mańyzyna toqtalyp, on jyldan beri ózimen birge osy jobanyń júzege asýyna atsalysyp kele jatqan áriptesterimen emen-jarqyn áńgime-dúken quryp, búginde at­qarylyp jatqan jumystarǵa j­o­ǵary baǵa berdi. – «Jalǵyz aǵash orman emes» degen, eger sizder meniń osy baǵ­darlamama qoldaý kórsetip, kó­mek­tespegende jalǵyz ózim osyn­sham­a isti bitirer me edim. Meniń bul baǵdarlamadaǵy basty aıta­rym, adamzattyń áýel bastan birin­shi paryzy – ómirge adam bo­lyp kelgen soń, adam bolyp qalý. Adam degen ulaǵatty atqa laı­yqty bolý. Baıqadyńyzdar ma, osy pándi oqyǵan oqýshylardyń, stýdentterdiń júzinen bir jyly­ly­q­ty baıqaısyz. О́ıtkeni, jylylyq adam­nyń ishki jan dúnıesiniń ta­zalyǵynan habar beredi. Endeshe, búgingideı qıyn zamanda biz aldymen maman emes, adam tárbıeleýimiz kerek, – dedi Sara Alpysqyzy. Gúlzeınep SÁDIRQYZY, «Egemen Qazaqstan»