Qazaqstan Táýelsizdiginiń 25 jyldyǵyna arnap Ońtústik polıýske ekinshi qazaqstandyq ekspedısııa jiberiledi. Ekspedısııa músheleri Ońtústik polıýstegi Vınson shyńyn baǵyndyrady. Bul týraly Ortalyq kommýnıkasııalar qyzmetinde ótken baspasóz konferensııasynda QazGeo tóralqa tóraǵasy Tólegen Tastanbekov málim etti.
Qazaqstan halqy Assambleıasynyń qamqorlyǵymen ótkiziletin ǵylymı-zertteý ekspedısııasyn «Qazaq Geografııalyq Qoǵamy» qoǵamdyq birlestigi uıymdastyryp otyr. Jobanyń bas seriktesi – «Báıterek» ulttyq basqarý holdıngi.
«Ekspedısııa 1 jeltoqsanda Qazaqstan Respýblıkasynyń Tuńǵysh Prezıdenti kúni bastalady. 16 jeltoqsan – Elimizdiń táýelsizdik mereıtoıyn toılaǵan kúni Antarktıdanyń eń joǵarǵy núktesi – Vınson shyńyna (4892 m) Qazaqstan Respýblıkasynyń memlekettik týy tigiledi», – dedi T. Tastanbekov.
Budan bólek, ekspedısııa qatysýshylary eki júz shaqyrymnan astam qashyqtyqty shańǵymen júrip ótpek.
Aıdar О́risbaev,
"Egemen Qazaqstan".