Jaýyngerlik jattyǵýlar júrip jatyr

Burnaǵy kúni Qazaq­­­stan­­­da­ǵy «Oımasha» polıgonynda iri kó­lem­di birlesken «Ortalyq-2011» strategııalyq jattyǵýy bastaldy. Jattyǵýǵa Qazaqstan Respýblıkasy Qarýly Kúshteri Qurlyq áskerleriniń qolbasshysy general-leıtenant Murat Maıkeev jetekshilik etýde. Atalǵan sharanyń bastalýyna baıla­nys­ty oqý ortalyǵynyń alańynda Qazaqstan Q­a­rýly Kúshteri men Reseı jaǵynan jat­ty­ǵýǵa qatysatyn 3,5 myńǵa jýyq jeke quram saltanatty sap túzedi. Qatysýshy elderdiń ánurany oryndalyp, memlekettik jalaý­la­ry kóterildi. Jattyǵý jetekshisi M.Maıkeev shara eki el arasyndaǵy seriktestiktiń da­mýyna, ózara is-qımyldy jetildire túsýge, áskerı salada baılanysty nyǵaıtýǵa jańa­sha qozǵaý salatyndyǵyn atap kórsetti. О́zderine qoıylǵan tapsyr­ma­ny oryndaýǵa ázir áskerı qyzmet­shiler saltanatpen sap túzep ótti. Jeke quram qorǵanys operasııa­laryn or­yndaý, jaǵdaıdy óristetý jónin­degi keshendi sharalardy oryndaýǵa ázir ekeni anyq baıqaldy. Sóıtip, «Oımasha» polı­gonynda Qazaqstan Qarýly Kúsh­teri men Reseı jaǵynan 550-den astam ás­kerı tehnıka, 19 ushaq jáne 43 kemeniń qa­tysýy­men birlesken jaýyngerlik jattyǵý­lar bastaý aldy. Jattyǵýdyń alǵashqy kezeńinde bólim­der negizgi aýdanda ornalasady jáne belgilengen ýaqytta bir mezgilde shartty túrdegi jaýdy joıyp jiberý úshin aldyńǵy shepte shabýyl­­­daý ádisterin oryndaıdy, sondaı-aq ózara-is-qımyl men baılanysty pysyq­taı­dy. Eń bas­ty­sy – urys dalasynda Qazaqstan men Reseı ásker­le­riniń is júzinde bir ja­ǵadan bas, bir jeń­nen qol shyǵara birlese is-qımyl tanytýy bolmaq. Jattyǵýdyń negizgi arqaýy nemese máni Ortalyq Azııa aımaǵynda oqıǵalar oryn alǵan jaǵdaıda, oǵan qatysý úshin Qazaqstan Respýblıkasy Qurlyq áskerleri bas qol­bas­shysynyń basshylyǵymen koalısııalyq ás­ker tobyn (kúshterin) qurý bolyp tabylady. Oksana PARPÝRA, Qorǵanys mınıstrligi baspasóz qyzmetiniń qyzmetkeri. Sýretterdi túsirgen Roman KAZÝNIN.