2026 jyly álemdegi iri tehnologııalyq korporasııalar jasandy ıntellektini damytýǵa baǵyttalǵan ınvestısııa kólemin kúrt arttyrdy. JI-ınfraqurylym men ázirlemelerge jumsalǵan jıyntyq shyǵyn 700 mlrd dollarǵa jetip, rekordtyq deńgeıge shyqty. Bul qadam jahandyq tehnologııa naryǵyndaǵy básekeni jańa kezeńge shyǵardy, dep jazady Egemen.kz.
Negizgi qarajat derekter ortalyqtaryn salýǵa, joǵary ónimdi chıpterdi satyp alýǵa jáne kompanııalardyń óz JI-modelderin damytýǵa baǵyttalyp otyr. Alaıda mundaı aýqymdy ınvestısııalar korporasııalardyń qarjylyq kórsetkishterine salmaq túsirip jatyr. Qarjylyq esepterge sáıkes, Google kompanııasynyń erkin aqshalaı aǵyny 90%-ǵa qysqarǵan. Al Amazon kapıtaldyq shyǵyndardy óteý úshin qosymsha qarjy tartyp, qaryz júktemesin ulǵaıtqan.
Ilon Mask: Bolashaqta ár adamnyń jeke roboty bolady
Sarapshylardyń aıtýynsha, tehnologııalyq alpaýyttar qazirgi tabysynyń basym bóligin JI baǵytyna qaıta ınvestısııalap otyr. Kompanııalar bul strategııany uzaq merzimdi tıimdilik beredi degen eseppen tańdaǵan. Iаǵnı búgingi qarjylyq qysym bolashaqtaǵy ósim esebinen ótelýi tıis.
Dese de, sarapshylar mundaı tásildiń qateri joǵary ekenin eskertedi. Eger shyǵyndar qazirgi qarqynmen jalǵasa berse, korporasııalarǵa qosymsha qarjylandyrý tartýǵa nemese ınvestısııalyq josparlaryn qaıta qaraýǵa týra kelýi múmkin.
Jasandy ıntellekt otandyq ónerkásipti qalaı ózgertedi?
Sonymen qatar sala ókilderi jasandy ıntellektini bolashaq ekonomıkalyq ósimniń basty qozǵaýshy kúshi dep baǵalaıdy. Olardyń pikirinshe, JI ýaqyt óte kele búgingi shyǵyndardy ótep qana qoımaı, tabystyń jańa kózderin qalyptastyrýy yqtımal.
Adam & jasandy ıntellekt: Dýet pe, dýel me?
Qazir naryq JI baǵytyndaǵy agressıvti keńeıý men aqshalaı aǵyndardyń turaqtylyǵy arasyndaǵy tepe-teńdikti jiti baqylap otyr. Aldaǵy jyldary tehnologııa sektoryndaǵy iri oıynshylardyń qarjylyq turaqtylyǵy dál osy teńgerimge baılanysty bolmaq.