6-15 naýryz kúnderi Italııanyń Mılan jáne Kortına-d’Ampesso qalalarynda XIV qysqy Paralımpııa oıyndary ótedi. Týrızm jáne sport mınıstrligi Paralımpııa oıyndarynda el namysyn qorǵaıtyn qurama jasaqtalǵanyn habarlady, dep jazady Egemen.kz.
Paralımpııa baǵdarlamasyna para snoýbord, para hokkeı, taý shańǵysy, arbadaǵy kerlıng, para bıatlon jáne para shańǵy jarysy engizilgen. El quramasy para shańǵy men para bıatlon boıynsha synǵa túsedi. Ulttyq quramanyń sapyna Erbol Hamıtov, Aleksandr Gerlıs, Sergeı Ýsolsev, Iýrıı Berezın, Anna Grachıova, Nurlan Álimuly jáne Vladıslav Kobal endi.
Qazirgi ýaqytta sportshylar Shveısarııanyń Sankt-Morıs qalasynda oqý-jattyǵý jıyndaryn ótkizip jatyr.
Tórt jylda bir ret uıymdastyrylatyn dúbirli dodada 79 medal jıyntyǵy sarapqa salynyp, álemniń 600-den astam sportshysy qatysady.
XIV qysqy Paralımpııa oıyndarynyń ashylý saltanaty 6 naýryz kúni Verona Olımpıadalyq arenasynda ótedi.
Aıta keteıik, qazir Italııada HHV qysqy Olımpıada oıyndary ótip jatyr. Dúbirli dodada Qazaqstan ázirge 1 altyn medal enshiledi.